Tiro eta danba, has dadila urtea
Ba omen da italiar esaera zahar bat, non gizon bat ageri den egunero-egunero, santu bati errezatzen: “Mesedez, mesedez, loteria irabazi nahi dut!”. Esaerak dio, santuak, nazka-nazka eginda, behera begira jarri eta hurrengoa erantzuten diola: “Mesedez, mesedez, eros ezazu txartel bat behingoz!”.
Esango nuke, urte berriekin ere antzeko zerbait gertatzen dela. Diot, urte berri bakoitzari, berez urteak horretarako ahalmen naturala balu bezala, denok eskatzen diogula zerbait. Zerbait ona, noski. Egia dena da, ordea, ondoren, guk geuk egin ezean, ezer gutxi gertatzen dela mirakuluz.
Gure etxean, ohitura beste bat da. Gauerdia eta gero, ehizerako eskopetak hartu eta tiro egiten dugu zerura. Ez iezadazue galdetu ohitura nondik datorren, baina azken urteetan, nik neuk ere, erritual horri bere balioa eman diot pixkanaka. Kontua da, urteak emandako kontu txarrei egiten diedala tiro, eta askotan (sinbolikoki, noski), urtea izorratu diguten hainbat kabroiri ere egiten diodala tiro. Nik ere beraz, urte zaharrari txarra uxatzeko eskatzen diot, eta berriari, berez, zerbait ona eskatu.
Aurten, pentsatzen jarri naiz nori egingo diodan tiro. Kabroi asko izan dugu aurten ere, krisi handiak jota, banketxe, politikari eta matxista askok izorratu nahi izan dute urtea. Ez naiz hemen izenak esaten jarriko, batez ere, tiroka hasten naizen momentuko berotasunaren bat-batekotasunaren xarma ez izorratzearren.
Hala ere, gure etxeko ohitura horren terapeutikotasunaren inbidiaz, batek baino gehiagok egin dizkit enkarguak aurten, eta halaxe izango da. Eta hau irakurtzen duzuenerako tiroak jota izango baditut ere, behingoagatik, pentsatu dut, egingo ditudan eta ditugun gauzengatik joko ditudala tiroak airera aurten.
Eskatu didazue, 2013 feminista bat, antikapitalista bat, euskaldunago bat. Eskatu didazue, maitasun apur bat, osasuna, dirua eta lana, eta orgasmo bat edo beste gehiago. Eskatu didazue egiteko tiro gogor zuengatik, eta gugatik, eta horrelaxe egingo dut.
Baina arrazoi bakarra dut hori dena lasai aldarrikatu eta eskatzeko; izan ere, santuari errezuan zebilen italiar gizajo hark ez bezala, badakit, egunero, gogotsu arituko garela gure desira guzti horiek 2013an bete daitezen. Ez garela etxean geratuko. Aurten beraz, ez da zuengatik tirorik itsuan joango.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
Youssef Al-Zuq munduko preso gazteena izandakoaren bizitza Gazako zigor zikloaren ikur da. Al-Zug 2008an jaio zen kartzelan, ama atxilotu eta epaiketarik gabe espetxeratu ondoren. Uztailaren 12an hil zuten Israelen bonbardaketa batean.
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Durangoko Ernaik salatu du Txiki eta Otaegiren muralaren kontrako erasoa. Ostegun arratsaldean murala berregiteko dei egin dute.
Turingia estatuko Auzitegi Gorenak ebatzi du Buchenwald konzentrazio esparruko memorialak eskubidea duela kufija daraman edonori sarbidea ukatzeko, "judutar ugariren segurtasuna" arriskuan jarri baitezake.
.jpg)
Mexikoko mugako hesia beltzez margotu du AEBetako Gobernuak. Lehenengo brotxakadak ematera bertaratu da Segurtasun Nazionaleko idazkaria bera, Kristi Noem. Neurri horren bidez, hesiaren tenperatura igo nahi dute, eta horrela migratzaileen pasabidea zailtzeko.
Garmendi mendi gidaritza zerbitzuaren bitartez zeharkaldi eta ateraldiak antolatzen ditu Ibai Iturriak. Argitara eman diren datuekin kezkatuta, mendian "kontzientziaz eta arduraz" jokatzearen beharra azpimarratu du.
Ez kobratzea, nagusiaren senideen etxeak garbitu behar izatea, lantokian lo egin behar izatea, irainak... Luxuzko jatetxeko esklabotza-baldintzen lekukotzak argitara ateratzen jarraitzen dute Urola Kostan.
Erakunde palestinarrak astelehenean jakinarazi zuen ohar batean Egiptoko eta Qatarreko bitartekariek proposatutako su-eten akordioa ontzat jo duela. Israelgo armadak, ordea, dagoeneko inguratuta dauka Gaza hiria, eta han dauden palestinarrei urriaren 7ra arteko epea eman die... [+]
Kai Nakai, Maren eta Olatz Salvadorren kontzertua bertan behera utzi zuen Bilboko Udalak joan den igandean. Hiru musikariek azaldu dute gertatutakoa.
Espainiako Vuelta abuztuaren 23tik irailaren 14ra izango da, bertan, Israel-Premier Tech taldeak hartuko du parte. Txapelketaren zuzendari Javier Guillének esan du "ezin dituztela kanporatu, puntuazioa dela eta parte hartzeko eskubidea" irabazi baitute.
Euskararen biziberritzeari buruz asko hitz egiten ari azken urteetan eta horren inguruan ari da lanean Euskaltzaindiko talde bat. Talde horretan dago Jon Sarasua ere eta galdetu diogu zeregina zertan den. Galdetu diogu, halaber, udaberrian idatzi zuen Puprilusoko artikulu... [+]
Adimen artifizialarekin garatutako tresna bat da IA-Speak. Bi erabilera nagusi izanen ditu: mintzamena itzultzen duen gailu bat eta erabiltzaileen mintzamena aztertzen duen plataforma bat.