Gutxinaka baina beti gehituz

  • FAKTORE KOMUNAK

    ENKORE

    Baga-Biga

    iraupena :33´01´´

    prezioa :11€

Azken urteotan Bilboko Errekalde auzoa oso ezaguna egin da hainbat arrazoiengatik; horien artean Kukutza Gaztetxe enblematikoa han zegoelako eta Euskal Herriko hainbat eta hainbat musika lehiaketa irabazi dituen taldea, hauxe, bertakoa delako. Enkorek disko txikiak kaleratu izan ditu orain arte, portzioka erakutsi dizkigu emaitzak; eta orain bai, disko luzea atera du bere ibilbideko eta gaur egungo kantuen bilduma osatuz. Hardcore melodikoa edo punk-popa, hau da, abiadura, indarra (gaztetasuna) eta melodia borobilak oso presente daude, baina post-hardcorearen intentsitatea, U2 edo Ken 7ren pop-rocka eta doinu dantzagarriagoak zein metalaren arrastoa ere aurki daitezke. Eta horien artean Aitor Uriartek (zeinek bestela?) apaindutako balada ederra. Diseinua, soila eta oso dotorea.

www.myspace.com/enkore09
ENKORE
"Hobe hil, beti gazte ez izan baino"

Broadway gauaren paradisua bada, zeren paradisua da Euskal Herria?

Kresal usain gozoarena baliteke, ondo jatearena, herritar jatorrena, mendi ederrena? Egunez politagoa da gure herria.

Orain arteko lanak autoekoiztu dituzue. Hauxe, aldiz, diskoetxearekin atera da.

Aurreko lanak EPak izan dira, “Faktore Komunak”, berriz, luzea da. Lehenengo pausoak guk kontrolatzeko autoekoiztu genituen lan laburrak, gure ibilbidearen jabe izateko. Baina jabetu ginen iaz izandako oihartzunaz bakarrik ezin genuela aurrera egin.

“Zure ahotik ihesi doazen garrasien jabea nauzu”. Bazen ordua Gatibuz gain, beste batzuek ere kantetan poesia erotikoa idazteko.

Oso Gatibu zaleak gara! Eta baliteke oharkabean pentsatzen genuena baino gehiago eragin izana gugan. Gure bizitzako momentu jakin batean idatzitako letra da, sentimendu handiz egina. Ez dugu aldez aurretik pentsatzen zertaz idatziko dugun.

“Bizi bizitza... ez begiratu atzera”. Gaurkotasun handiko hitzak.

Bai, krisi puta hau guztion etxeetara heldu da eta Enkorek inoiz baino gertuago bizi izan du azken boladan. Negar eginez, deprimituz, galdu dugunaz ohartuz ez gara zulotik irtengo.

Zer lortuko zenukete “beti gazte” izanda?

Daukagun bizitzeko gogoa betiko mantendu. Hil arte, egunero jaikitzeko gogoa izan nahi dugu, maite dugunagatik borrokatzeko indarraz. Hobe hil beti gazte ez izan baino!

Hainbat lehiaketa irabazi eta taldea zabaltzeko sare sozial dezente erabiltzen dituzue. Zerk eman du taldea ezagutzera?

Lehiaketek ate asko zabaldu dizkigute. Gaur egun sare sozialak ezinbestekoak dira jarraitzaileekin kontaktuan egoteko. Kontzertuetara joaten direnei faborea bueltan emateko bada ere.

Zeintzuk dira taldekideon “faktore komunak”?

Adiskidetasuna, gaztetasuna, musikarekiko obsesioa, aurrera egin nahia, indarra, m.k.t., Z.K.H., Zer Garen? Enkore, Errekaldetik.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude