Petrolioaren lioa

Jon Martinek aste honetako bertsoarekin bideoa egin du eta hemen ikus eta entzun dezakezue:

I
Noizbait zooplakton ta dinosaurio
bilakatu omen ziren petrolio
baliotsu, lurrazpiko...
gizateriaren ustez, garapena
orain konturatu egin gara pena
ezer ez dela betiko.

IV
Esporta liteke produktu zerrenda
ta zein preziotan? zein arduratzen da
isuritako mila kez?
Ozono geruzan eginaz kilima
azken urteetan aldatu da klima
baina gure ohiturak ez.

II
Fabrikak, lehergaiak ta automobilak
mugitzen ditu gaur erregai fosilak
bihurtuz ezinbesteko.
Ibili nahi hontan ahalik arinen
ia oharkabean bilakatu ginen
droga beltz horren mendeko.

V
Politikoek maiz euren aldarritan
begiak energi berriztagarritan
baina hitzak hitz oraindik...
behar aina plaka ez dituzte eman
gero beti hitzak haizeak eraman
ta haize errotak geldirik.

III
Mugikortasuna da obsesioa
produktuek jaitsi dute prezioa
nahi baino gehiago sarri...
gure baratzetan etxeak eraiki
eta premiazko diren hainbat jaki
hegazkinetan ekarri.

VI
Peak Oil-a gainera datorkigulako
prestatu gaitezen trantsiziorako
Bagara-n adibidean
ta itzuli auto-antolakuntzara
edo-ta bestela ipiniko gara
dinosauruen bidean.

   

Doinua:  Izan zintezkeenari.

Sorta honi esker irabazi zuen Unesco Etxearen txartela Rio+20 gailurrean blogari aritzeko.

Bidali zure sortak bertsoak@argia.eus helbidera. Aukeratuak orri honetan argitaratuko ditugu.


Azkenak
Queertopiak: babeslekuak, inguruan eragiteko moduak

'Queertopia' da aurtengo Zinegoak jaialdiaren izenburua. Queertopiek erakusten dute posible dela errealitate ezberdinak harremanetan jartzeko espazioak sortzea. Alaitz Arenzana jaialdiko zuzendariarekin eta Julen Nafarrate komunikazio arduradunarekin duela 21 urte Bilbon... [+]


Aro ustez berri bat, bi liburu aurkezpen eta hiru jaka

Udaberriko azken egunean, ikusmin handia Gasteizko Legebiltzarrean. Nonbait juntatu bada jende frikia, hemen izan da. Baina aspaldian ez bezainbeste jende dago, eta zerbaitegatik da hori. Hedabideetako 300 profesional, ez alferrik. Hamabi urteren ostean, bi boxeolariak berriak... [+]


Nafarroako Gobernuak Microsoft enpresaren esku utzi du administrazioa digitalizatzea

María Chivite presidenteak lankidetza publiko-pribatua “beharrezkoa” ikusten du aurrerapen digitala lortzeko. Besteren artean, adimen artifiziala erabiliko du Microsoft Ibéricak, instituzioetako izapideak “arintzen laguntzeko”.


Baxoko ahozkoa ikasleei euskaraz egiten lagunduko diete ehun bat irakaslek

Irakasleek baxoko ahozkoa euskaraz egiten laguntzeko ekintza egingo dute. Soinean ahobizi eta belarriprest txapak eramango dituzte, ikasleei adierazteko “babes osoa” dutela euskaraz mintzatzeko azterketan.


Zubietako erraustegia kudeatzen duen enpresari zigorra jartzeko eskatu du Nafarroako Gobernuak

Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]


Eguneraketa berriak daude