Hartfield (Ingalaterra), 1969ko uztailaren 3a. Brian Jones rock musikariaren gorpua aurkitu zuten Cotchford etxaldeko igerilekuan. The Rolling Stones taldeko sortzaile eta kide ohiak 27 urte eta 125 egun zituen. Auzitegiko medikuaren esanetan “ezbeharrezko heriotza” izan zen, eta haren gorpuan alkohol eta droga gehiegikerien zantzuak topatu zituen. Gerora, hainbat teoria konspiranoiko sortu dira, Jones hil egin zutela diotenak, baina ez dute lortu haren kasua berriro zabaltzea.
Hilabete eskas lehenago Jonesek The Rolling Stones utziko zuela iragarri zuen, talde ezaguneko gainerako kideek hala eskatuta. Taldekide batzuk haren hiletara ere ez ziren joan, baina garaiko beste rock musikari ezagun askok omenaldiak egin zizkioten hil zenean. Esaterako, The Doors taldeko Jim Morrisonek Ode to L.A. While Thinking of Brian Jones, Deceased poema idatzi zion, eta Jimmy Hendrixek abesti bat eskaini zion telebista saio batean.
Bizirik zela inoizko rock bandarik garrantzitsuenetakoa sortu zuen, eta hil ondoren, ezustean, beste talde baten sortzaile izan zen. Bera hil eta urtebete pasatxora, 1970eko irailaren 18an, Hendrix hil zen. Handik bi astera, Janis Joplin, eta Jonesen heriotzatik bi urte pasa zirenean, 1971ko uztailaren 3an, haren beste lagun bat hil zen, Jim Morrison. Denek 27 urte zituzten, eta, horrenbestez, 27koen kluba sortu zen. Baina hildakoak adin bera izatea azaleko aipamena baino ez zen izan garai hartan. Bi hamarkada baino gehiago igaro ziren klubak egun duen indar mediatikoa lortu arte, eta Kurt Cobain Nirvanako abeslariak eman zion bultzada hori, 1994an bere buruaz beste egin zuenean. 27 urte zituen, jakina. 27koen Klubaren kontzeptua etengabe aipatzen hasi ziren prentsan, musika aldizkarietan eta ikus-entzunezko komunikabideetan. Merchandising objektu bihurtu zen, liburuak eta filmak egin ziren talde bitxiaren inguruan eta bazkideen lan zaharren salmentak sustatzeko aitzakia paregabea izan zen.
Oraindik ez da urtebete igaro Amy Winehouse abeslaria klubera ate joka hurbildu zela. Handik gutxira, 2011ko abenduan, ikerlari talde batek gaia aztertu eta ondorioak British Medical Journal aldizkarian argitaratu zituen: rock musikariek, beren bizimodua dela eta, gazte hiltzeko aukera handiagoa dute, baina 27 urterekin hiltzea halabehar hutsa da eta berdin hil daitezke 26rekin edo 28rekin. Hilotz eder eta gazte horiek errentagarriak diren bitartean, 27koen klubaren madarikazioa bedeinkapena izango da zenbaitentzat.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Igandean, hilak 21, hirugarrenez egingo da Gatzaren Eguna Debagoieneko Leintz Gatzaga herrian. Egitarau zabala osatu dute egun osorako: mendi ibilaldia, hitzaldia, azoka, kontzertua...
Igandean Altsasun izanen da Nafarroa Oinez festa handia. Lau kilometro eta erdiko ibilbidea eta lau gune izanen dira igandeko jai handi horretan: Bizi, Kanta, Txio eta Dantza.
Harremanetarako Nazioarteko Taldeak bukatutzat eman du Euskal Herrian zuen egitekoa. Brian Currin abokatuak asteazkenean emandako prentsaurrekoan adierazi du badirela gai batzuk konpontzeke geratu direnak, nabarmenduz "preso politikoen auzia".
2015ean hasitako joerari jarraiki, immigrazioari buruzko iritzi eta jarrera positiboak sendotu egin dira Araba, Bizkaia eta Gipuzkoako gizartean. Hala berretsi du Ikuspegi Immigrazioaren Euskal Behatokiak aurkeztu duen 2018ko Barometroak.
Osasunbideko deialdietan, lehiaketaldian 40 puntutik euskarak 4’29 puntu eman beharko lituzke eremu euskaldunean, eta 2’73 puntu eremu mistoan. Baina euskararik jakin gabe ere 39 puntu lortu daitezke, beste merezimendu batzuekin. Beraz, praktikan, ez da betetzen euskarari buruzko foru dekretu berriak dioena.
Euskal Herriko Eskubde Sozialen Kartak pobrezia eta gizarte-bazterketaren kontrako herri-ekimen legegilea butzatzeko beharrezkoak diren sinadurak entregatu ditu.
Urriaren 17tik 19ra eginen ditu Espainiako Armadak maniobrak, beste behin. Tiro Poligonoaren Aurkako Taldeak salatu du "Parke Naturalean gailentzen dela maniobra horiek egiteagatik Armadak ordaintzen duen kanona segurtasuna eta ingurumenaren gainetik".
Pinuen gaitzari aurre egiteko Jaurlaritzak eta EAEko hiru foru aldundiek aurkeztu duten plana gogor kritikatu du Naturkon kolektiboak, besteak beste gaitzari aurre egiteko erakundeek proposatu duten oxido kuprosoa toxikoa baita: “Azalduko al digute gure ordezkariek nola pentsatu duten ziurtatzea gure ibaiak edo edaten dugun ura ez direla pozoituko gure mendietako 124.000 hektarea fumigatzen badira?”.
Maravillas, Errotxapea eta Lizarrako gaztetxeen aurkako prozesu judizialak irekita daude eta epe motzean kaleratuak izateko arriskuan daudela ohartarazi dute manifestazioa deitu dutenek.
Etxerat euskal presoen senide eta lagunen elkarteak Hernanin duen bulegoan egiten du lan Karlos Apeztegiak. Asteartean bertatik atera zenean atxilotu zuen Guardia Zibilak eta asteazken goizean, espetxeratzeko agindua eman du Espainiako Auzitegi Nazionaleko epaileak, "erakunde terroristako kide" izatea leporatuta.
