Les neiges du Kilimandjaro. Zuzendaria: R. Guédigian.
Frantzia, 2011. 107 minutu.
Burgestu ez, baina ikusten da Les neiges du Kilimandjaro filmeko protagonistek iraganean sakela hotzago eduki dutela orain baino. Sindikalista erretiratu, langabetu eta lapurren istorioa da Robert Guédigian zuzendariaren azken pelikula. Lan- eta bizi-baldintza hobeak lortzeko urtetan borrokatu duen pertsonaia da Michel, protagonista; beroaldi ekonomikoak baretu zuen langile borrokalariaren ideia sintetizatzen du. Christophe gazteak berriz, behargin berrien egoera gorria: lanik gabe, anaia txikiak aurrera atera behar eta lapurretan hasten da.
Filmak klase-elkartasuna goresten du, galdutako baloreak berreskuratzeko premia, eta ondo jaso dezake Michel bezalakoek historiaren momentu hau nola bizi duten: ezin berreskuratu izan zarena, oraingoak ez duela balio konturatu eta zer egin jakin ez. Baina ikuspuntu xaloegia edukitzea ere kritikatzen ahal zaio. Eta beharbada beharrezkoa da hori proposatzen duen balore aldaketa gauzatu ahal izateko, baina ez pelikula bat egiteko: Guédigian optimista antropologikoa da eta horren ondorioz eszena batzuk behartuegiak dira. Ez espero, bestalde, ideia iraultzailerik Marseillako proletarioen istorio honetan, atera daitezkeen ondorioak hurbilago baitaude karitatetik, justizia sozialetik baino.
Bainak bildu dizkiogu pelikulari eta ahaztu zaigu esatea gustatu zaigula, hala ere. Ez baita mundua diskurtso handietan eta hil ala biziko engaiamenduetan bukatzen, eta Les neiges du Kilimandjarok eragiten du pertsonaiekin halako hurbiltasun bat, “zinema sozial” esaten zaion horretako beste pelikula askok gustura hartuko luketena.
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]