Imanol Murua Uria

"Botoa aldatu izan duen bitxo arraro horietakoa naiz"

  • Elkarrizketatzaile elkarrizketatua, ez da sarri gertatzen.

Aritz Galarraga @aritzgalarraga
2012ko apirilaren 08a

Are gutxiago elkarrizketatzaile elkarrizketatua momentuko analista politikoa izatea.

Renoko Unibertsitateko ikasle bat elkarrizketatzen ari zara, denbora librean analista politikoaren plantak egiten dituena.

Egin plantak bada: eman egungo egoera definitzen duen esaldia.

Azkenean egia zen tunelaren bukaeran argia zegoela.

Orain euskaldunok abilak izango gara politikagintzan...

Eskoziarrak bezain abilak ez, oraingoz behintzat. Azken hamarkada hauetan kalamidade samarrak izan garela esango nuke.

Oraintxe esan duzu...

Hanka-sartzez hanka-sartze eskarmentua pilatzen ibili gara; eta pauso bat edo beste atzera ematen, baina inpultsua hartzeko.

Euskal Herriko momentu politikorik kitzikagarriena, eta zu AEBetan.

Eta oraindik ez nago seguru zerbaiten bila etorri nintzen, edo zerbaiten ihesi alde egin ote nuen.

Ezdakitzenbatmila exiliatu horiekin batera bueltatu zaitezke, beti ere.

Alde egin nuenean hasi ziren, hain zuzen, gauzak apur bat zuzentzen. Ez dezagun dena izorratu azkarregi bueltatuta.

Akats bat aipatuko dizut, dena den: analista politikoa izateko, gutxiegi nabaritzen da zein den zure alderdi politikoa.

Hauteskundetik hauteskundera botoa aldatu izan duen bitxo arraro horietakoa naiz: ETAren atentatu batek nire boto asmoa alda zezakeen, baita Espainiako Auzitegi Gorenaren erabaki batek ere. Egoera berrian, susmoa dut mundu guztiak bezala egingo dudala: beti ekipo berari.

Orduan izango zara benetako analista politiko, hots, alderdi politiko baten bozeramaile.

Honez gero ez dut lortuko. Dena den, beti alderdi jakin beraren irakurketa bera egiten duten analistak ere baliagarriak zaizkit: alderdien txosten luzeak irakurri beharrean, analisi/laburpenak irakurtzea errazagoa da. Baina, beti ere, askoz nahiago analisi propioa egiteko gaitasuna dutenak.

Egiguren, Urkullu, Otegi elkarrizketatu dituenak, esateko beste izango du isiltzeko, ezta?

Ez gehiegi. Loiolako Hegiak libururako elkarrizketak egin nituenean, arau bat proposatu nien: ez kontatu argitaratu ezin dudan ezer. Ondo atera zitzaigun jokaldia.

Oso ondo, begira orain non gauden!

Begira eta begira ari naiz baina, egia esan, ez diot antzematen non arraio gauden. Ea bi urte barru kontatzen dizuedan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Bardean benetako bonbekin maniobra militarrak eginen dituzte asteazken honetatik aurrera

Urriaren 17tik 19ra eginen ditu Espainiako Armadak maniobrak, beste behin. Tiro Poligonoaren Aurkako Taldeak salatu du "Parke Naturalean gailentzen dela maniobra horiek egiteagatik Armadak ordaintzen duen kanona segurtasuna eta ingurumenaren gainetik".


2018-10-17 | ARGIA
Pinuen gaitzari aurre egiteko oxido kuprosoa erabiltzea oso toxikoa dela salatu dute

Pinuen gaitzari aurre egiteko Jaurlaritzak eta EAEko hiru foru aldundiek aurkeztu duten plana gogor kritikatu du Naturkon kolektiboak, besteak beste gaitzari aurre egiteko erakundeek proposatu duten oxido kuprosoa toxikoa baita: “Azalduko al digute gure ordezkariek nola pentsatu duten ziurtatzea gure ibaiak edo edaten dugun ura ez direla pozoituko gure mendietako 124.000 hektarea fumigatzen badira?”.


2018-10-17 | Iņigo Igartua
Manifestazio nazionala deitu dute urriaren 27an Nafarroako gaztetxeen alde indarrak biltzeko

Maravillas, Errotxapea eta Lizarrako gaztetxeen aurkako prozesu judizialak irekita daude eta epe motzean kaleratuak izateko arriskuan daudela ohartarazi dute manifestazioa deitu dutenek.


2018-10-17 | ARGIA
Karlos Apeztegia kartzelaratzeko agindu du Espainiako Auzitegi Nazionalak

Etxerat euskal presoen senide eta lagunen elkarteak Hernanin duen bulegoan egiten du lan Karlos Apeztegiak. Asteartean bertatik atera zenean atxilotu zuen Guardia Zibilak eta asteazken goizean, espetxeratzeko agindua eman du Espainiako Auzitegi Nazionaleko epaileak, "erakunde terroristako kide" izatea leporatuta.


2018-10-17 | ARGIA
Iruņeko sutea indarkeria matxista kasu bat izan daiteke

Hipotesi hori darabil gertakaria ikertzen diharduen Espainiako Poliziak. Hala bada, ikerketa bere gain hartu zuen instrukzio epaileak Emakumeen aurkako indarkeriaren arloko epaitegira bideratuko du kasua.


2018-10-17 | ARGIA
Eider Rodriguez, Irene Aldasoro eta Kepa Altonaga Euskadi Sarien irabazle

Asteazken honetan jakinarazi dituzte literaturako Euskadi Sarietan falta ziren kategorietako irabazleak: Eider Rodriguezek aurtengo bigarren saria eskuratu du, oraingoan haur eta gazte literaturari eskainitako kategorian, Santa familia liburuari esker.


2018-10-17 | Iņigo Igartua
Kalean bizi den jendearen zenbaketa: errefuxiatuen auziari erantzun ezean, ez espero miraririk

Ostegun honetan zenbatuko dira Araba, Bizkaia eta Gipuzkoan zenbat pertsona bizi diren kalean. Erakunde publikoak konprometitu ziren etxegabeen kopurua %20 jaistera, baina errefuxiatuen krisiari emandako erantzun eskasa ikusita, zaila dirudi aurreikuspena betetzea. Bilboko kasuari erreparatu diogu.


2018-10-17 | ARGIA
Parisko Cervantes Institutuaren eraikina EAJri bueltatzeko eskatu dio Ortuzarrek Espainiari

Andoni Ortuzar EAJko presidenteak asteartean Espainiako Estatuari eskatu dio itzul dezala Cervantes Institutuak gaur egun Parisko Marceu etorbidean daukan eraikin bat, 1936an EAJk erosi zuena eta II. Mundu Gerran Gestapok –Alemania naziaren polizia sekretua– bereganatu zuena.


EAEn 'fracking'-a abiarazteko urrats berriak egin ditu Jaurlaritzak: zundaketak baimendu Bizkaia eta Gipuzkoan

Eusko Jaurlaritzak baimena eman du Bizkaia eta Gipuzkoako 1.300 kilometro koadrotan zehar lurpean egon daitezkeen erregaien bilaketan ikerlan eta zundaketak egiteko. Zundaketa lanetan "fracking" teknika erabiliko ez dela aipatu den arren, zundaketa berriok dira urrats garrantzitsu bat Ibarretxeren garaietatik teknika horrekin hidrokarburoak ustiatzeko Jaurlaritzak egindako apustua aurrera eramateko.


2018-10-17 | dantzan.eus
Indarkeria ardatz hartuta, Bilboko antzerki eta dantza garaikide jaialdia hasiko da asteazken honetan

Bilboko Udalak antolatzen duen BAD jaialdia urriaren 17tik 28ra hiriko sei agertokitan ospatuko da dantza eta indarkeria lotuz. Bilboko Antzerki eta Dantza Garaikide Jaialdiak, lau estreinaldi eskainiko ditu Campos Antzokian, Sandra Gómez, Blanca Arrieta, Isaak Erdoiza eta Pablo Fidalgo artisten eskutik. Horrez gain, BADek lekua gorde du nazioartean ibilbidea duten ekoizpen lanetarako, Arkadi Zaides koreografoaren Archive edo Juan Domínguezen My Only Memory lanetarako, adibidez.


ASTEKARIA
Azkenak
EGILEA
Eguneraketa berriak daude