Zure aurpegia ezaguna egiten zait.
Ez esan igo ditudan 8.000koengatik eta ETBn egiten ditudan programa txatxuengatik dela. Noiz onartuko didazue ordura arte izandako kirol ibilbide aberatsa?
Aizu, hemen 8.000ko bat igotzen ez duena ez da ezer.
Noiz ohartuko zarete azken urteetan Iñurrategik, Vallejok eta Zabalzak egin dituzten zeharkaldiek edozein 8.000ko igotzeak baino balore handiagoa dutela? Sormena, arriskua, konpromisoa eta jarrera hartu behar dira kontuan, ez gailurraren garaiera.
Zu zertan ari zara ba 8.000koen bilduma egiten?
Bi aldiz hamalau 8.000koak igotzen lehena izateari garrantzi pertsonala ematen diot, baina onartzen dut: uneotan ez diot ekarpenik egiten euskal alpinismoari.
Bi aldiz hamalau 8.000koak... Baina katuak baino bizitza gehiagorekin!
Katuak zazpi bizitza bakarrik ditu, ni hamalaugarrenean noa. Nire bizitza mendian hiltzera determinatuta dago. Konbentzituta nago Himalaian hilko naizela.
Horregatik sartu zaigu Anbotora baino lehenago Everestera abiatzeko mania?
Everestek bere nortasun eta protagonismo guztia galdu du. Dena komertzializatu da, bide guztiak ekipatuta daude, arrasto guztiak zabalik, oxigenoa non-nahi... San Prudentzio eguneko erromerian baino jende gehiago dabil!
Dena komertzializatuko zen, dena modernizatu, baina gero amonatxo batek ematen ditu gailurrak ontzat!
Hawley anderea oso pertsona jakintsu eta jantzia iruditzen zait, egia eta gezurra bereizten abila, hamaika entzun eta ikusitakoa, baina noiz sortuko da nazioarteko erakunde bat gure jarduera arautu eta bideratzeko?
Telebista programa oso bat inoren amarekin akordatu gabe pasatzen duzunean, agian?
Batzuek larrutzen naute, besteek goretsi, baina nik ondo pasatzeaz gain patrika betetzen dut, eta horri esker mendian ibiltzeko denbora daukat. Noiz ulertuko duzue nire bizitza puta guztia daramadala mendian eta ez naizela sekula aberastu?
Segi mendira, orduan!
Jakina! Hamalau 8.000koen erronda bukatzen badut, oraindik bizi naizela esan nahiko du. Bestela, ez galdu denborarik nire bila...
Sexu-erasoak, bikotekideen edo bikotekide ohien erasoak eta bestelako senideek egindakoak hartu dituzte kontuan zenbaketan. Bizkaian, %29 egin dute gora salatutako sexu-erasoek.
Donostiako Udaleko Memoria Historikoaren Aholku Batzordeko Sinbologia Lantaldeak dokumentazioa aurkeztu du, eskultura frankista dela frogatzeko. Eskulturaren jatorriaren inguruko eztabaida ireki nahi dute hirian, eta udal gobernuari zenbait eskaera egin dizkiote.
Boubacar Dioufek, Mbolo Moye Doole Bizkaiko manteroen eta kalez kaleko saltzaileen elkarteko kideak, Bilboko kaleetan arrazakeria eta abusu poliziala areagotu direla adierazi du.
Ziburuko Azokaren seigarren edizioa iraganen da larunbatean Ziburuko plazan. 33 argitaletxe, 10 diskoetxe, 39 idazle eta 111 berritasun, uzta ederra izanen dugu aurtengoan ere.
Hamabost urte inguruko lau surflari israeldarren parte hartzea zela eta, hainbat eragilek protesta egin eta Groseko Surf Indarrak elkarteak lehiaketan ez parte hartzea erabaki du. Waxdayz jaialdiaren antolatzaileek ere surflari israeldarrak kaleratzea eskatu die WSL World Surf... [+]
Ainararen aurkako epaiketa dela eta, Bilboko Epaitegiarekin aurrean elkartu dira Manteroekin bat! plataforma eta bertaratutakoak poliziaren gehiegikerien eta egiturazko arrazakeriaren aurrean, elkartasunez antolatuko direla aldarrikatzeko.
Munduko gatazka ugariak kontatzera ohituta, oraingoan bere gatazka propioari jarri dizkio berbak Ebbaba Hameidak (Tindufeko errefuxiatu guneak, 1992) bere lehen eleberrian: Flores de papel (Paperezko loreak) (Peninsula, 2025). Hiru belaunalditako emakume banaren istorioak... [+]
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
Iaz ezagutu nuen Hana Zjakic, Bollotomaseko bertso-saioaren aurretik mahai-buelta berean suertatuta. Ingelesez egin behar niola aipatu zidaten. Eta ni, orduan, kezkatu egin nintzen, ea saioan bertan inor arituko ote zitzaion xuxurlari. Lasai egoteko esan zidan berak, lehenago... [+]
Canfranc (Huesca, Espainia), 1940ko ekaina. Charles De Gaulle jenerala buru zuen Londresko Frantzia Askearen gobernuak erabaki baten berri eman zion Albert Le Lay Canfranceko nazioarteko tren geltokiko Frantziako aduanako arduradunari: bere postuan geratu behar zuen. Ez zirudien... [+]
Talentua garai honetan zaindu, babestu eta erakarri beharreko altxorra ei da. Horregatik, Kutxabankeko lehendakari Anton Arriolak hezkuntzan ingelesari garrantzi handiagoa eman behar zaiola adierazi du, eta euskara horretarako oztopo izan daitekeela Poloniatik etor litezkeen... [+]
Osasungintzako 501 langilek bat egin dute zortzi eskaera zehatz dituen manifestuarekin. Helburua, osasun arreta euskaraz eskaini, eman eta bermatzea, “edonon eta edonoiz, maila guztietan eta ahoz zein idatzizko harremanetan”.