Berdintasunean

Bizitzea genuen amets, ametsa gauzatzeko gaitasuna fede, hautatutako bidea eskola. Tailerretan ikasi genuen goizik ugazabak eta gu ez ginela berdintasunean bizi, haiek ondoko tabernara egiteko ez zutela gure baimenik behar izaten. Garai hartako “todos rojos separatistas” modernizatu eta “todo ETA” bilakarazi zuten, tartean beren zepoan zientoka gizaki harrapatuz. Froga bakarra, sozializatutako sententzia, borroka antiterrorista bezala hedatua. Oro da asesino hemen, ez soldadutzan ez barrakatan, inoiz armarik ukitu gabea ere asesinoa da, kolaboratzaileen teilapeak Euskal Herria estaltzeko adina lekua du. Jon Anza desagertua eduki zuten urtaro andana. Senideek ez zuten bertsio ofiziala sinetsi eta beren iritzia eman zuten, Realak San Mamesen sartutako gola bezain argiki. Zigortu egin dituzte beren ebidentzia adierazteagatik. Berdintasunean bizi bagina, Espainiako presidentearengandik hasi eta politikari zein kazetari tropa bereziki zigortua beharko lukete, “oro da eta” erabiliz sekulako eskandaluak burutu eta burutzen lagundu dutelako. Torturatu, sei bat urtaroz kartzelatu eta absolbitu duten azkena lekuko.


Azkenak
2030erako lur eta itsas eremuak %20 lehengoratzeko araudia onartu du Europar Kontseiluak

Astelehenean onetsi du Europar Kontseiluak Natura Lehengoratzeko Legea, hiru hilabeteko blokeoaren ondoren. "Mugarri gako bat da kontinenteko ekosistemen babeserako eta berreskurapenerako", esan dute hainbat elkarte ekologistek, besteak beste, BirdLife Europe,... [+]


Ikastetxeek erizain bat izateko eskaera Jaurlaritzara iritsi da

Istripu eta larrialdiei erantzutea eta gaitz kronikoak dituzten ikasleak artatzea lirateke, besteak beste, erizainak eskolan lituzkeen funtzioak, gaur egun gehienbat irakasleen bizkar geratzen dena. Eskoletan erizain batek egon behar duela aldarrikatzen urteak daramatza SATSE... [+]


Eguneraketa berriak daude