Europako Banku Zentralak bankuen negozioa loditzen du


Juan Mari Arregi
2012ko martxoaren 11

Europako Banku Zentrala (EBZ) bankuen laguntzan atera da beste behin ere eta bilioi erdi euro eman dizkie joan den astean. Espainiako bankuek 150.000 milioi euro eskatu dituzte. Abenduan beste bilioi erdi ziztatu zuen EBZk, prezio barregarrian –%1eko interesarekin– eta hiru urtean ordaintzeko. Beraz, bi hilabetetan EBZk bilioi bat euro ziztatu die bankuei. Estatuek, banku zentralek eta EBZk egindako likideziarako ziztada guztiak gehituz gero, kopuru hori hainbat bilioi eurokoa litzateke. Ekonomia errealak, aldiz, ez du hortik onurarik ateratzen, krediturik ez dabilelako, ez enpresentzat, ezta familientzat ere. Zer ari da gertatzen? EBZk bankuei milaka milioi euro ziztatzen badizkie hauek kreditua azkartu dezaten, baina hau ez bada enpresa eta familietara iristen, esan nahi du norbait ari dela likidezia horrekin loditzen. Zalantzarik gabe, bankuak ari dira loditzen, diru publikoarekin negozioa egiten ari dira euren balantzeak garbituz. EBZk loditzen ditu, eta badaki.

Jakina eta nabarmena da bankuak, batez ere etxegintzan azken urteetan egindako apustuarengatik “zulo” ugari dituzten Espainiako bankuak, diru publiko hori aprobetxatzen ari direla euren burua finantzatzeko. Hala, EBZren %1eko maileguak erabiltzen ditu zor espainiarra, italiarra eta greziarra %5 eta %9 arteko interesarekin erosteko. Bankuek Balore-Burtsan espekulatzen dute EBZk ekonomia azkartzeko uzten dien diruarekin. Azkenean Estatua da –zergadunak alegia– bankuen “zuloak” estaltzen dituena. Logikoa da, beraz, krediturik ez ibiltzea enpresa eta familietan. Logikoa da, beraz, murrizketa sozial gehiago inposatzen joatea. Kapitalismoaren logika da bankuak loditzen dituena eta milioika pertsona gosera eta langabeziara jaurtitzen dituena.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ekonomia  |  Burtsa

Azkenak
ASTEKARIA
Azkenak
EGILEA
Eguneraketa berriak daude