Boligrafo bat adibide


Uxue Apaolaza
2012ko otsailaren 19a

Nik Fragaren gaiari helduko diot ba, Jose Luis, Beñat, hil eta tertuliatan hainbeste demokrata sortu dituen gizona; “ez da ahaztu behar Fraga frankismoko ministro izan zela!”, ere entzun baita dezente, esperotako omenaldiez gain, eta, tira, beranduegi da beharbada esaldia ere hilik ez jaiotzeko, hiltzeko geratzen diren “ez da ahaztu behar...”-ak hemendik aurrera ederto biziko badira batez ere; baina ez da hori esan nahi nuena, niri Fragak balio dit gure jaurlaritzatik boligrafo bat, bai, boligrafo bat, nola falta den seinalatzera eramango nauen bidea irekitzen didalako, dagoeneko demokratizaziorako metamorfosi betean zela esan zuen esaldi bati esker: “La calle es mía”. Autoritarismoaren perletako bat dudarik gabe, eta ez da kalea jabetzan berea zela esan nahi izateagatik; baina balitz? Alegia, kalea jabetzan berea dela pentsatzea ez litzateke autoritarismo era bat? Adibidez, lorategirako banku bat behar balu kalera jaitsi eta hartzea?

Ustelkeria kasuetako errudunak legez kanpo dabiltzala badakitela adierazten duten eszenografiak ematen dituzte, hain inozoak ez garela pentsatuta agian, ezkutatu behar bat, horregatik harritzen gara zenbaiten zabarkerien aurrean, Urdangarin kasu; ez lapurtu duelako, hain gaizki antolatu delako baizik. Mariano Rajoyk Bruselan Espainia bere lorategia, kalea, balitz bezala hitz egin zuenean ere, “lan erreforma greba orokor bat kostatuko zait”, mikrofono atzean izan nahi zuen, beraz, pentsa daiteke handiustea dela, baina badaki zenbait ez dela ados egongo lan erreformaren kostua zehazki hori izango denean.

Ari gara boligrafora hurbiltzen. Aste honetan Esteban Gonzalez Ponsi eginiko elkarrizketa entzun nuen, eta ez, ez zuen ezer arrarorik egin, nik ere hasieratik ulertu nuen zerabilten tonu tristea; ministerio gabe geratu da, Federico Trillo bezala. Eman dituen prentsaurrekoen ondoren! Txandalaz, edozein ordutan, egunetan, zerbait gertatzen bazen Espainiako edozein puntutan bere partiduaren erantzunaren beharra zuena, edo izan gabe, agertzen zen Gonzalez Pons, burutapenen bat beti prest. Izan zuen apaltasun gaitasun guztia, politikak gauzak ez dizkizula espero duzunean ematen esatea izan zen. Tira, ez dago disimulu beharrik, hitz egin daiteke ministerioak banatzeko maukak balira bezala. Guk bozkatzen ditugunen artean. Gure ministerioak. Eta ez naiz identitateez ari, jabetzaz ari naiz, nork ordaintzen duen alegia, eta zertarako.

Eta kontua groteskoa bihurtzen da lapurreta kamara aurrean gertatzen denean, kazetariz inguraturik; Rodolfo Ares eta Fernandez Díez ziren, irribarretsu (barne politika da azken aldian, azken aldi luzean, gobernuen poz bakarra), ez dakit zer sinatuz mahaian eserita; barne arazotarako ministroak boligrafoari begiratzen dio, gustatzen zaio eta lasaitasun osoz, mikrofonoak bere hitzen lekuko zirela jakinik ere, eta bai, inporta du, horretara bainoa, esaten dio gure sailburuari boligrafoa opari eramango duela. Eta Rodolfok barre egiten du. Beharbada txantxa zen. Ez. Sinatu eta azpimarratu zuen, boligrafoa airean erakutsiz, poltsikoratu egingo zuela, bestela seguru ahaztu egingo zitzaiola. Gure boligrafoa. Txikikeria bat da, eta horregatik da larria, horregatik da autoritarioa, horregatik da iraingarriagoa kasik, guk ordaintzen duguna, gure bizitza komuna artikulatzeko medioak, beraienak direla guk sinestarazi bagenie bezala, ez alderantziz. Eta Aresen barre kikilaren lekuan, Anguita irudikatu nuen, “ezin dizut eman, ez da nirea”, bat erantzunez, “eta kontuz informatiboetan ikusten ari dira nola lapurtzen diezun”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
Sail Ofiziala | 4. eguna
Porrot erromantikoa, arrazakeria ilustratua

Astelehenean Zinemaldiko Sail Ofizialean in egoteko, XVIII. mendeko estiloan janztea tokatzen zen, ileordeak, gerruntzeak, leotardoak eta ezpataren bat eskura, zer gerta ere. Le cahier noir eta Angelo filmek segur aski hori besterik ez dute amankomunean, garai bera irudikatzen dutela, gainontzean ikusleari oso sentsazio diferenteak eragin baitizkiote, antagonikoak ia.


2018-09-24 | ARGIA
Zubietako erraustegiraino iritsi da protesta eta Ertzaintzak kolpeka erantzun du

Gipuzkoa Zutikek deituta eta hainbat erakunderen babesarekin, igande arratsaldean zientoka herritar hurbildu dira Zubietako erraustegia eraikitzen ari diren '0 gune' delakoraino, errausketaren kontrako protesta eraman nahian. Ertzaintzak eragotzi die bertaratzea, hurbiltzeko bide guztiak itxita.


"Dantza". Esentzien koreografia

Denboratik aparte kokatutako garai mitiko batean kokatzen da filma, baina, bistan denez, mito hori eraikitako zerbait da, filmak zer ukitu duen eta zer ez erreparatuta jabetuko garenez.


2018-09-24 | ARGIA
"Biktimekiko artikulu iraingarria" argitaratzeagatik 1.243 euroko isuna jaso du Judimendiko Auzo Elkarteak

Elkarteak 1.243 euro itzuli beharko dizkio Gasteizko Udalari astelehen honetan udalak erabaki duenez, elkarteak bere aldizkarian auzoko hiru presori buruzko artikulua argitaratzeagatik, eta udalaren esanetan “terrorismoaren biktimentzat iraingarria" zelako.


2018-09-24 | Dani Blanco
ARGAZKIAK | Ehunka lagunek protesta eraman dute erraustegira

Ehunka lagun Zubietatik abiatu dira igandean erraustegira. Ertzaintzak gelditu ditu eta kolpeka saiatu da hauek behera bidaltzen.


"Leto". Led Zeppelin errusiar kutsuarekin

Rocka dario Leto filmari, eta punka, eta transgresioa. Pelikulako protagonistentzat, musika da guztia, musikak markatzen du euren bizimodua. Rockak gidatzen duen moduan filmaren erritmoa, estiloa eta estetika. Led Zeppelin, The Doors, T-Rex, David Bowie… sobietar erara.


2018-09-24 | Amaia Lekunberri
Bilbao Trick or Treat

BBK Live, Red Bull Cliff Diving, Europako Errugbi finalak, UEFAren 2020ko Eurokopa, The World´s 50 best Restaurants, Bilbao Bizkaia Pride edo MTV European Music Awards bezalako ekimenek betetzen dituzte, sasoi batetik hona, Bilboko Udalaren eta Bizkaiko Foru Aldundiaren kultur agenda eta aurrekontua.


2018-09-24 | ARGIA
Pentsiodunak mobilizatu dira astelehenero bezala eta deialdi berezia egin dute urriaren 1erako

Astelehenero bezala, milaka herritar erretretan bizi direnak elkartu dira bai Hego Euskal Herriko eta bai Espainiako estatuko hiri eta herri nagusietan, pentsio eta bizi baldintza duinak eskatzeko. Urri hasieran antolatuko diren mobilizazioetara deitu diete herritar guztiei.


2018-09-24 | ARGIA
Langile bat hil da Zornotzako AHTren obretan

Lanaldiaren ostean ondoezik sentitu eta konortea galdu zuen, eta medikuek ezin izan zuten suspertu. Astebetean jazotako hirugarren lan istripu hilgarria da Zornotzakoa.


Urriaren 1erako ikasleek greba deialdia dute Katalunian

Urriaren 1 Plataforma sortu dute, halaber, eta Urriaren 1 plataformak sortutako webgunearen bidez ekintza guztien berri emango dute.


ASTEKARIA
Azkenak
EGILEA
Eguneraketa berriak daude