Malkoari

I
Jaio berri den ume txiki bat
beso artean, goxoen...
Lehendabiziko aldiz hasi da
negarrez, ohikoa omen...
Gelan aditu dira Lazkao
Txikiren hitzak ondoren:
“Negarrez nola hasi zerade
bizitzen hasi baino lehen?”..

 

II
“Piruleta bat, piruleta bat!”
Lau urteko neskatoak.
Aitak: “Ez, beste egun batean”
Zilipurdiak, saltoak...
Neskari irten zaizkio atzo
irtendakoen kalkoak,
oinazearen forma daukaten
gezurretako malkoak.

III
Bertsolari bat final batean,
oholtza gainean, serio...
Buruz-buruko bat jokatu du,
frontoia bertso jario,
txapela jantzi diote, txalo,
oihu pila datorkio...
Malkorik ez du isuri baina
begiak busti zaizkio.

IV
Aitona joan zaion biloba
loreak heltzen bi esku,
pauso laburrez hilerriraino
azal-zuri, barru-estu...
Badaki pasa behar zuela
(adinak bueltarik ez du).
Alferrik ari dela negarrez...
Baina ezin du saihestu.

V
Maiteminduta dagoen mutil
batek, neskari aitortza.
Neskak: “Orain ez, agian noizbait”.
Puntadun erantzun motza
pasatu dira hilabeteak,
iritsi da negu hotza,
lehortu dira malkoak baina
odoletan du bihotza.

VI
Malko gazia, malko gozoa
min hartzea, poz hartzea…
Egin behar ez dena: malkoa,
itxurakeriaz sartzea,
baizik lotsari ateak itxiz,
beldurrari oldartzea,
datorrenean ateratzeko
oztoporik ez jartzea.

   


Doinua: Haurtxo polit bat.


Bidali zure sortak bertsoak@argia.eus helbidera. Aukeratuak orri honetan argitaratuko ditugu.


Azkenak
2024-06-13
Erraustegiak lehen pozoiak erakutsi baldin baditu... zer egin?

Gipuzkoako erraustegiaren emisioen bost urteko jarraipenaren emaitzak aurkeztu ditu ToxicoWatch fundazioak. Emaitza kezkagarriak, bizidunei eta zehazki gizakiei osasun kalte larriak eragin diezazkieketen kutsatzaileez ari garelako. Emaitza nabarmenak, erraustegi berria eta ustez... [+]


Aritz Colio (HTX)
“Hatortxu amaituko da, baina elkartasuna eta auzolanaren bidean gure aletxoa jartzen jarraituko dugu”

Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]


AHTren obrak eta Renfe: murrizketak eta buruhausteak Gipuzkoako tren zerbitzuan, zazpi urtez

2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]


Urdaibaiko Guggenheimek eta Donostiako Santa Klara uharteak bandera beltza jaso dute, iaz bezala

Ekologistak Martxan elkarteak bandera beltzak banatzen ditu urtero, kutsaduragatik eta kudeaketa txarragatik. Getariako makrogranjak eta Leioako Lamiakoko padurak jaso dituzte beste bi banderak.


153.600 euroko isuna Askeri, euskal presoen alde egindako martxa batengatik

Aske antolakundeak aldarrikatu du elkartasuna eta amnistiaren aldeko borroka ez dela delitua. Eta, Ertzaintzak indarkeria erabiltzeko duen inpunitatea kritikatu du. Antolakundekoei jarri dizkieten isunak ordaintzeko, urriaren 5ean antolatuko duten elkartasun egunerako deia... [+]


Eguneraketa berriak daude