Duela

urte asko Menotti futbol entrenatzaile argentinarrari futbol jokoaz idatzi liburuan irakurri nion, taldea musika orkestratzat hartzen zuela, eta bere lana jokalariak batera jotzen jartzean zetzala. Horretarako bakoitzari egokien zihoakion zeregina zehaztea zela gaitzena, taldeak berea ongi beteko bazuen. Madrilgo Bernabeu zelaian Real Madrilek Barçaren kontra jokatutakoa ikusi ondoren, Guardiolaren partiturak harritu ninduen. Ez zen hainbeste jokalarien kokapenek Barçari balio berezia ematen ziotela, orkestrako zuzendariak aukeratutako errepertorioak baino. Real Madrilek musikari bikainez osatu txaranga zirudien, zuzendariak hautatu eta prestatu errepertorioak taldea txaranga eta joleak, solistak barne, txosnatako musikariak izatera kondenatzen zituen. Barçako Abidalek sarturiko bigarren golari erreparatzea aski da, partidan lau bikote ezberdinek jotako pasarte bera izan baitzen Messi eta Abidalen artean bururatutakoa, gola izan zena. Halere, holako partitura jarraitzeko belarri finekoa behar du, sortzaile lana ulertzeko berorren ispilutik hara ikusteko begi onekoa, jardunen estetika efikaziaz integratzeko gauza. Menottik arrazoi: futbola ere arte ederra izan liteke.


Azkenak
Nafarroako Gobernuak 2020an agindutako eraikin berria exijitu dute Antzineko Lokiz eskolako familiek

“Nafarroako Gobernuak duela lau urte eginiko promesari huts egingo dio beste behin ere”, salatu du Lizarraldeako Lokiz eskolako guraso elkarteak. Orain 7 urte D ereduaren aldeko apustua egin zuen hezkuntza komunitateak, eta desagertzeko zorian zegoen eskola txiki... [+]


Badator EHZ: aurtengo berrikuntzak, informazio praktikoa, ordutegiak, erasoen aurkako protokoloa...

Azken urteetan bezala, belaunaldi eta gustu guztiei zuzendutako kalitatezko eskaintza oparoa proposatzeko xedea adierazi du EHZko antolakuntzak.

ARGIA festibalaren babesle eta laguntzaile da eta han izango gara: BTN bideopodcastaren atal berezia grabatuko dugu larunbat goizean,... [+]


Astelehenean hasiko dira Gasteizko Zaharraz Harro! jaiak

Igandera arte luzatuko dira Gasteizko Alde Zaharreko jaiak, auzo harrotasuna, autogestioa eta parte hartzea ardatz. Aurtengoa 16. edizioa dute, eta 80 jardueratik gora antolatu dituzte auzoko herri mugimenduek, elkarteek, bizilagunek, edo komertzio eta tabernek.


“Ebaki eta bota” teknika

Baso naturaletan estratu eta funtzio ezberdinak betetzen dituzten espezieak aurkitzen ditugu. Batzuek gaina hartuko dute, eta mende ugari bertan igaroko dituzte. Beste batzuek lehen urratsak emango dituzte, baso-kideengatik sakrifikatuko dira eta beraien gorpu ustelak sistemari... [+]


Eguneraketa berriak daude