Joaten

ari zaizkigu ingurukoak etengabe. Bilboko manifak Errenteriako oreretar baten heriotza ekarri zigun, eskelaren argazkiak akordura ekarri zidana. Ez nuen harreman zuzenik berarekin, baina banekien zein zen, inguru hurbilean ikusia nuen. Orain, Txillar-ena. Gipuzkoako Bertsolari Txapelketaren finalekoak Joseba bere semea agurtzeko aukera eman zidan. Aitaz galdetzean, ez zegoela ongi esan zidan, eta bere ahots tonuak Jose Luis aita bere hondarretan zela adierazi zidala iruditu zitzaidan. Beltzak eta Balerenek bereziki nik esan ditzakedanak argi azaldu dituztenez, ezer gutxi gainera dezaket. Halere, inorengandik ez dut bere musika zaletasunaren berri jaso. Pianoa zuela gogoko eta maiz jotzen zuela, bere emaztea Jone Forkadari, garai bateko Seaskako andereñoari, entzunda ikasi nuen. Eltzegorrekin Flandriara gindoazela egon nintzen berarekin Hendaian. Gure musika estimu handian zuela-eta, gonbidatu nion gurekin aritzeko. Irribarreko harriduraz, astirik ez zuela erantzun zidan. Ez zuen gogorik musikaz aritzeko eta politikara zuzendu zuen berea. Damu dut pianoan inoiz entzun ez izana, horrek seguru asko gure artekoa aberasten lagundu izango zigulakoan.


Azkenak
2030erako lur eta itsas eremuak %20 lehengoratzeko araudia onartu du Europar Kontseiluak

Astelehenean onetsi du Europar Kontseiluak Natura Lehengoratzeko Legea, hiru hilabeteko blokeoaren ondoren. "Mugarri gako bat da kontinenteko ekosistemen babeserako eta berreskurapenerako", esan dute hainbat elkarte ekologistek, besteak beste, BirdLife Europe,... [+]


Ikastetxeek erizain bat izateko eskaera Jaurlaritzara iritsi da

Istripu eta larrialdiei erantzutea eta gaitz kronikoak dituzten ikasleak artatzea lirateke, besteak beste, erizainak eskolan lituzkeen funtzioak, gaur egun gehienbat irakasleen bizkar geratzen dena. Eskoletan erizain batek egon behar duela aldarrikatzen urteak daramatza SATSE... [+]


Itsasadarraren azpiko tunelaren proiektua geldiarazteko manifestazioa egin dute Getxon

Zapatuan, ehunka herritarrek parte hartu zuten Bizkaiko Foru Aldundiak itsasadarraren azpian egin gura duen tunelaren proiektua geldiarazteko exijitzeko manifestazioan. Subflubiala Ez plataformako deitzaileek 500 parte-hartzaile inguru zenbatu zituzten Getxoko Itzubaltzeta/Romoko... [+]


Eguneraketa berriak daude