Governors::Collage
Mauka
iraupena ::39’36’
prezioa ::10 euro
Collage bat egitea esperimentua da. Nola bizi izan duzu disko honen sortze prozesua?
Lan egiteko modua desberdina izan da bai hitzei dagokionez, baita konposatzerakoan ere, Keurekin urrutitik lan egin dudalako. Une batzuetan guztia kontrolpean ez izateagatik bertigoa izan dut, baina pieza guztiak heldu eta maketa egiterakoan disfrutatzen hasi nintzen.
Diskoetxe berri baten aldeko apustua egin duzue. Zer eskatzen diozue diskoetxe bati?
Lan egitea eta etorkizunari begiratzea. Askotan taldeak lan handia egin, diskoetxe bati diskoa eman eta bi asteko promoaren ostean, luzaroan ez da argitaletxetik inolako mezurik izaten. Maukakoek gure managementa daramate, hurbil ditugu eta etekin azkarra bilatzen ez duen jende langilea dela erakutsi digute.
Zer sentitzen duzu Larru azaletan kanta abestean?
Oso berezia da. Amets Arzallusek guretzat idatzi zuen eta azaldu zigun idazterakoan ezertan pentsatu gabe kantak berak piztu zizkion sentsazioak jarraitu zituela. Hori ikaragarria da! Eta ni hitz horiekin oso identifikatuta nago.
Nolakoa izan da A song for Bobby kantan Bik MacFarlaneren laguntza izatea?
MacFarlane guk egindako bertsioaz oso harro dago eta hala esan zidanean asko hunkitu nintzen. Askotan kantak konposatzen edo aztertzen ari naizenean ez dut halako detailetan arreta jartzen, baina geldiune bat egin eta MacFarlanek Long Keshen lagunak hiltzen ikustean bizi izandakoa pentsatuz oilo ipurdia jartzen zait. Bere parte-hartzea ikaragarria da guretzat.
Palestinari buruz sarritan abestu duzu. Asko hunkitzen zaituen al gaia da?
Bai, Mikel Etxabururi hango umeei buruz idazteko eskatu nion. 2000tik Israelek 800 umetik gora erail ditu, atxilotuak eta torturatuak ere badira, eta 35.000 gaizki elikatuta daude. Ezin beste alde batera begiratu.
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]