ARGIA.eus

2020ko abuztuaren 06a

Irabazleak, galtzaile


Juan Kruz Lakasta
2011ko azaroaren 27a

UPN-PP koalizioak irabazi ditu hauteskundeak Nafarroan. Baina Madrildik PPren aldeko inoizko olderik handiena zetorrelarik, haiek 5.500 boto eta diputatu bat galdu dituzte, emaitzak 2008koekin alderatuta. Nafarroako Kutxako eskandaluek zerikusirik izanen dute, doike.

PSNk bigarren indarra izateko lehia irabazi dio Amaiurri. Baina 45.000 boto eta diputatu bat galdu ditu, eta bere hauteskunde zorua zulatzen eta zulatzen segitzen du. UPNren eskutik segitzen duen bitartean gauzak ez dira erraz aldatuko. Eta igandeko emaitzak ikusita, ez dirudi UPNren eskua askatuko duenik, ez dirudi foru hauteskundeak aurreratuko dituztenik.

Amaiurrek Geroa Bairi aurrea hartu dio, indar abertzaleen artean lehena izateko lehian. Baina alde txikia atera dio Ezker Abertzaleak, Aralarrek, EAk eta Alternatibak osaturiko koalizioak EAJk eta Zabaltzeneko independenteek sortutakoari. Geroa Bairen emaitza onen eragileak, hainbat: Uxue Barkos hautagaiaren indarra, NaBairen espazio politikoaren bereganatzea, talde mediatiko baten laguntza eraginkorra.

Amaiurrek bere emaitza ez horren onen azterketa egiterakoan, hain zuzen ere faktore horiek guztiak hartu beharko lituzke aintzat. Aukeratu zuen hautagaia egokiena ote zen hainbat taldek osaturiko koalizio batentzat. Hautagai, irudi, diskurtso egokienak erabili ote zituen NaBairen espazio politikoa bereganatzeko lehiarako. Alde dituen hedabideek Nafarroan oihartzunik ote duten eta zergatik.
Aipamen berezia Aralarrentzat: Bilduk maiatzeko foru hauteskundeetan baino 7.000 boto gehiago lortu ditu Amaiurrek. Horrek oso egoera ahulean utzi du.

Historian lehenbizikoz, indar abertzaleek bi diputatu lortu dituzte Nafarroan. Horra hor titularra. Titularraren atzean, abertzaletasuna Nafarroan ulertzeko bi eredu, lehian. Ikusteko dago inoiz lehiatik elkarlanera pasako diren. Nafarroan aldaketa politikoa lortzeko, ezinbestekoa litzateke

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak

ASTEKARIA
2011ko azaroaren 27a
Azkenak
EGILEA
Argia buletina
Egunaren laburpena
zure e-postan
Eguneraketa berriak daude