Emakumeak borrokan

Indarkeriaren haziak


Castillo Suarez @casti_suarez
2011ko azaroaren 27a

Egunero irakurtzen ditugu genero indarkeriaren adibideak prentsan. Maiz begiratu ere ez ditugu egiten, baina nago berri horiei erreparatzen diegunean, beti dugula emakume mota jakin bat buruan: heldua edo adindua, oinarrizko ikasketekin, atzerritarra, bikotearen menpekoa ekonomikoki... Horregatik agian ez zaigu burutik pasatzen ere egun nerabeak diren horiek tratu txarrak jasango dituztenik urte batzuen buruan.

Haatik, bortizkeria ez da bakarrik labankada, zartakoa edo heriotza; ez da bakarrik helduen kontua. Izan ere, nahi baino gehiago dira nolabaiteko tratu txarra onartzen duten neskatoak gaur egun. Badira mutil gazteak neskalagunak beren ingurutik isolatzen dituztenak eta kontrolatzen dietenak zein arropa mota jartzen duten, nola makilatzen diren, zein zaletasun dituzten, norekin ibiltzen diren eta sakelakora deitzen dituzte etengabe zertan ari diren jakiteko. Jazarpen hori sotilagoa da batzuetan eta nabarmenagoa bestetan. Batzuentzat maitasun frogak omen dira, baina indarkeriaren hazia dira egiazki, eta, beraz, oso kontuan hartu beharrekoak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
2019-05-27 | Aritz Gorriti
Bozkatu aurretik, begiratu Zubieta gainera

Hilabeteko tartean deitu den bigarren hauteskunde kanpaina amaitzear da, bigarrenez deitu ga-tuzte bozka ematera igandean. Badator honenbestez, herriak hitza hartzeko ordua. Maiatzaren 26an, gertuko nahiz urrutiko erakundeak berrituko dituzte gure bozkek; udaletik hasi, Zubietako Herri Batzarretik segi, Gipuzkoako Batzar Nagusietatik igaro eta Europaraino helduko da gure ahotsa.


Aeham Ahmad, musikaria
"Nire bizitza arriskuan jarri zuen argazki berak fama eta arrakasta ekarri dizkit gero, eta madarikazio moduko bat da orain"

Siriako Yarmouk errefuxiatu gunean (Damasko) jaio zen 1988an, palestinar familia baten baitan. Pianoa zuen ogibide, baina gerrak dena kendu zion. Sarraskiaren erdian musika egiten jarraitu zuen ordea, eta irudi haiek gure hedabideetako orrialdeak bete zituzten. Oinez iritsi zen Alemaniara 2015ean, eta musikatik bizitzen jarraitzea lortu du, inoiz baino arrakastatsuago. Mixel Etxekoparrek Xiru jaialdira gonbidatuta, Euskal Herrian aritu da lehendabizikoz.


ASTEKARIA
Azkenak
EGILEA
Eguneraketa berriak daude