Tematia izateak ordaina du

  • XARMA :: Karenka

    Autoekoizpena

    Iraupena :: 50´06

    8€

Ondarroa, Donostia, Berriz eta Beizamako kideak dituen talde hau gero eta indartsuagoa da bai musika estiloetan, baita jarreran ere. Bidegabakeria eta oztopoei karenka, aurrez aurre, irmo egiten ikasi eta hori plazaratu dute bigarren disko honetan. Jauko Barik, Keike eta beste hainbat taldetan trebatutako musikariek Danbaka Musika Lehiaketaren laugarren edizioa irabazi ostean grabatu dute diskoa. Metalaren erritmo eta hardcorea ageri badira ere, jomuga punk-rockean jarri dute eta gitarra hard-rockeroak nabarmendu dira. Hala ere, taldearen marka den melodiak protagonismo handia du eta Jon Kirrurekin batera gitarra eta ahotsean aritzen den Itsasok melodiak gehiago aberastu ditu. Ondarroako aspaldiko RSK taldea bertsionatzeaz gain, Ikasle Abertzaleen kanta idatzi eta Gerra Zibilari ere abestu diote.
"Autoekoizpena lan handia da, baina pertsona eta talde bezala indartzen zaitu"

Bizitzan aurrera egiteko Karenka jarri beharra dago?

Bai. Ni oso idealista izan naiz eta luzaroan ametsak irudikatu ditut. Eta, burugogorra ere banaizenez, askotan norbaitekin edo zerbaitekin aurrez aurre topatzen duzu zeure burua. Ikasitakoek indartuta, sinisten duzunagatik borrokatzeak merezi du.

Oso melodikoa eta indartsua. Hala definitu dezakegu Xarma?

Bai. Gainera, hau Amaraunak [aurreko diskoa] baino indartsuagoa da. Horren bila joan gara. Barne haserrea askatzeko baliabide ezin hobea da Xarma.

IAren kanta egin eta Gerra Zibileko testuak ere musikatu dituzue. Aurrera begira zaudete, iragana presente duzuela.

Iragana eta etorkizunaren arteko muga da oraina. Bizi beharrekoa. Ezin iraganari ezta etorkizunari so egin gabe bizi. Iraganeko bizipenek orainaren pertzepzioa baldintzatzen digute, eta sentitu ditugunak etorkizunean aurrekari gisa erabiliko ditugu. Halere, egunean egunekoak bizi eta sentitzea da gure erronka.

Disko honetan punk-rock gitarreroak duen presentziak harritu nau.

Kantak barnetik ateratzen diren bezala adierazten ditu Xarmak. Barnetik ateratzen zaiguna egiten dugu. Egiten dugun musikak guk bizi izandako eraldaketa bera jasaten du.

Autoekoizpena zuen habitat naturala da?

Autoekoizpena lan handia den arren, oso aberatsa da, eta pertsona eta talde bezala indartzen zaitu. Gure printzipioetara gehiago hurbiltzen delako hautatu dugu.

Nolako esperientzia izan da Danbaka lehiaketan parte hartzea?

Oso ona. Ate asko ireki dizkigu. Jende oso jatorra ezagutzeko aukera eman digu. Eta Xarmaren ibilbidea aberastu du.

Zer ematen dizue musikak, luzaroan horretan aritzeko?

Banakako ekintzetatik ekintza sozialera pasatzen den jarduera da musika. Kantak bakardadean sortzen dituzu, eta gero lokalean taldekideekin konpartitu. Azkenik, ezezagunen aurrean plazaratu. Barne poz ikaragarria ematen du


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude