Ranger lau hanka luze eta mehe dituen robota da, AEBetako Cornell Unibertsitateak sortua, eta berriki atletismo pista batean 30 orduz biraka aritu da, artikulu honen izenburuan azaldutako errekorra gainditu arte.

Aurreko errekorra iazko uztailekoa zen: orduko hartan, 23 kilometro egin zituen Bigdog robotak. Aurten 42 kilometroraino iritsi nahi zuten Bigdogen jabeek, baina Rangerrek, 65 kilometro eginda, aurre hartu die.

Sei ordenagailu txiki eta dozenaka sentsore dituen robotaren pisua hamar kilogramokoa baino ez da, horietatik 2,7 litio ioizko bateriei dagokie.

Eta zertarako balio dute halako errekorrak hausteko gauza diren robotek? Bada, batetik, beste planeta batzuetan egin daitezkeen misioetarako. Baina gure munduan ere aplikazio ugari izan ditzakete, ezinduen garraiogintzan adibidez.