Itziar Mendizabal

“Errekonozimendu falta ez dizut ukatuko”

  • Eta ez, prezisamente, auzo elkarteko taldean.

Aritz Galarraga @aritzgalarraga
2011ko ekainaren 05a
Itziar Mendizabal
Itziar Mendizabal Andreas Wirkit

Munduko dantzari onenetakoa hemen, eta gu konturatu gabe!

Munduko onenetakoa ez dakit, baina errekonozimendu falta ez dizut ukatuko...

Herri kuriosoa gurea: gehiago ezagutzen da Goenkaleko figurante bat, London Royal Balleteko lehen solista euskalduna baino.

Halaxe dirudi! Laukitxo horrek badu botere miragarriren bat.

Badakizu, telebistan agertzen ez dena...

Hori gurean gertatzen da. Suitza, Alemania, Ingalaterra eta beste toki askotan gauzak ez dira berdin, Royal Balleteko lehen bakarlaria zarela esatean aho zabalik geratzen dira!

Futbolari izatea ez aukeratzea ere...

Edo arraunlari Hondarribian, eta ez dut nik arraunlarien kontra ezer, e? Lan nahikoa egiten dute horiek ere!

Errekonozimendu urri horrek are gogortzen du dantzari bizitza?

Dantzari bizitza egunero oinen puntetan jira eta saltoka ibili beharrak gogortzen du nahikoa.

Esan, mesedez, mitoa dela dantzari klasikoen esklabo bizitza.

Mesederik gabe esango dizut! Gure karrera ez da erraza eta badaude momentu latzak, baina zenbat jendek esan dezake gaur egun, gehien maite duena egitetik bizi dela? Gaztetasuna gurtzen duen erlijio moderno paganoari gutxi inporta bazaio ere.

Hanburgesa konpletoa aipatzen badizut?

Gazta urtu ugarirekin, mesedez, eta patata frijituak alboan!

Ados, baina seguru ez duzula kubata baten prezioa ezagutzen.

Londresen hobe ez galdetzea... Edan eta kontuak biharamunean egin! Hori bai, Habana 7 izan dadila. Moko-fin xamarra naiz.

Ez esan zuk ere Euskal Herriko tabernetan ikasi duzula dantzan.

Dantza ugari egin dut nik tabernetan, baina oholtza gainekoa beste kontu bat da, eta eskerrak!

Baina zenbat dantzari on atera diren Euskal Herriko tabernetatik...

Segur aski uste baino gehiago, baina ikusten denez ez dira oso ezagunak.

Erritmoa falta zitzaigula euskaldunoi!

Aita dantzari liraina omen zen gaztetan, beraz, badago zerbait gure zainetan.

Fandango eta arin-arina Royal Opera Housen dantzatu arte, ordea...

Bada, hori oraindik egiteko dago, baina pintxo-jale amorratuak bihurtu ditut konpainiako asko! 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
2019-03-20 | ARGIA
"Kazetaritza ez da delitua" aldarrikatu du ARGIAk Donostiako epaitegi aurrean

ARGIAko lantaldeak Donostiako epaitegiaren aurrean elkarretaratzea egin du asteazken goizean.


2019-03-20 | Guaixe .eus
Altsasuko gazteen gurasoak Bruselara joango dira auziaren berri ematera

Altsasuko Auzia nazioartekotzeko bidean, Altsasu Gurasoak taldeko eta Altsasukoak Aske herri plataformako kideak, atzera ere, Bruselarako bidea hartuko dute asteazken honetan eta ostiralera arte han izanen dira.


2019-03-20 | ARGIA
Uber enpresa Bilbon: VTC-ekin ezin lan egin, janari-banatzaile prekarioekin bai

Eusko Jaurlaritzak VTC ibilgailuen sektoreari galga jarri dien arren, Uber enpresak kudeatutako etxez etxeko janari-aplikazioak ez du inolako eragozpenik aurkitu Bilbon.


2019-03-20 | ARGIA
50 lagun itsasotik erreskatatu dituen barkua konfiskatzeko agindu du Italiako Gobernuak

Mare Jonio barkua konfiskatzeko agindu du Italiako Gobernuak, itsasontzi horrek astelehen honetan 50 lagun erreskatatu ondoren. Italiako bandera dauka barkuak eta Mediterranea Saving Humans proiektuko partaidea da.


2019-03-20 | Usurbilgo Noaua
Atez ateko bilketak 10 urte bete ditu Usurbilen

Ohitura aldaketa txiki batek hondakinen kudeaketa eredua irauli zuen duela 10 urte. 2009ko martxoaren 16an albiste genuen Usurbil, ez herri mailan baita udalerritik kanpo ere. Aitzindari bilakatu zen udalerri hau Euskal Herrian, hondakinak lehengai bihurtu eta herritarrak "teknologia" aurreratuenean bilakatu zituen atez ateko bilketa sistemari esker. Atez atekoak 10 urte bete ditu joan den larunbatean.


2019-03-20 | ARGIA
Galizian eukaliptoak ezabatuz ospatuko dute Basoen Mundu Eguna

Larunbatean, martxoak 23, Basoen Munduko Eguna dela eta, aldarrikapen giroan ospatzeko kanpaina antolatu dute Galizian: bertako mendi eta ibarretan monolabore bilakatua diren eta azken aldian sekulako suteak eragin dituzten eukaliptoak erauziko dituzte egun eta ordu berean, baso iraunkorrez ordezkatzea aldarrikatuz.


2019-03-20 | ARGIA
Jaka horiei Eliseo Zelaietan manifestatzea debekatu nahi die Frantziako Gobernuak

Parisko beste gune ezagun batzuetan manifestatzea ere debekatuko du, poliziak istiluak sor daitezkeen susmorik edukiko balu.


Banku etikoak hiru bider errentagarriagoak dira ohiko bankuak baino Lehman Brothers erori zenetik

Europako parlamentuan aurkeztu duten txosten batek erakusten ditu finantza etikoen azken hamar urteetako hazkunde datuak.


2019-03-20 | Aritz Dez
Korrika, emeki-emeki

Azken egun hauetan, milaka ikusten dira Korrikaren aldeko antolatzen diren ekitaldiak, iragarkiak, albisteak eta bakoitzaren herrira heltzeko irrikak. Aurten ikus izan dezakegu bereziki, Korrikaren ibilbideak nola islatzen duen euskarak hamarkada gutxi horietan egindako bidea.


2019-03-18 | Iigo Igartua
Garai-Etxaniz eta Etxegarai-Oses bikoteak Emakume Master Cupeko txapeldun

Leire Garai eta Leire Etxanizek nagusitasun osoz irabazi dute lehen mailako txapela (22-5). Promozio mailakoa, Uxue Oses eta Madalen Etxegaraik osaturiko bikoteak eraman du (18-15), partidaren bigarren zatian markagailua irauli eta gero.


ASTEKARIA
Azkenak
EGILEA
Eguneraketa berriak daude