Printzesa altruista heldugabeak
Neska batek bizimodua ziurtatzeko egin behar duena gazte oinordeko aberatsa harrapatzea da. Halaxe erantzun omen zuen Berlusconik emakume italiarren langabezia tasa handiaz galdegin zioten batean. Honezkero jarrita gaude Il Cavaliereren arkeriak ikusi eta entzutera, halako lotsabide nardagarria ematen duenik nolatan izan dezaketen erakundeen buru ulertu ezinik gabiltzala.
Horretaz oroitu naiz azken astean, Nafarroako Gobernuak eskolatze kanpainarako prestatu duen erdarazko bideotxoa, Hezkuntza etorkizuna da dioena, ikustean. Ezinezkoa da hogeita lau segundotan estereotipo sexista gehiagorik sartzea: mutiko medikugai, ingeniari aeronautikogai eta sukaldarigaien aitzinean; planeta zaintzea (Gobernuz Kanpoko Erakunderen batean musu-truk lanean seguruenik), sekulan ez handitzea eta bere burua printzesa bihurturik nahiko luketen neskatikoak agertzen dira. Berlusconik berak, Sardiniako etxaldean gau osoko orgia hordigarria izan eta gero, apailatutako gidoia dirudi! Horixe pentsatu nuen bideoa ikusi nuen lehendabiziko aldian. Zeinen buru-begiek jo dezakete egoki gaur egun gizon-emakumeen arteko parekotasun irizpideen gaindi hain baldarki pasatzea? Zeinen sen-onak onargarri ikusi neskatiko eta mutikoendako hain iguripen eta etorkizun desberdinak irudikatzea?
Hezkuntza Departamentuaren bideotxoak nafar zentzudunak koleratu dituen aste berean, Nafarroako Eskola Kontseiluak Foru Komunitateko hezkuntza sistemaren gaineko txostena plazaratu du eta ondoko honetan piztuarazi du argi gorria: mutikoen eskola errendimendua neskatikoena baino hagitzez eskasagoa da, nahiz eta gaitasunetan –PISAk hala dio– denak berdintsu ibili. Datu horiek ez dira berriak baina azken urtean horien gaineko kezka asaldagarri bilakatu da eta Eskola Kontseiluak Nafarroako ikastetxeetan nesken eta mutilen arteko berdintasun programak ezartzea premiazkotzat jo du. Neskatikoen eta mutikoen eskola errendimendu desberdinen funtsa ikasteko motibazioetan eta gizarte eskakizunetan datza. Lan merkatuan DBHko gradu hutsez jabetutako mutilek unibertsitatean graduatutako neskek adina irabazten segitzen duten bitartean, mutikoek eskola lanerako pizgarri eta behar txikiagoak izanen dituzte.
Hezkuntzak neska-mutikoak mundu errealerako prestatu behar dituela dioenari ezin sinesgarriagoa irudituko zaio bideo-alegoria hori. Izan ere, Gobernuarendako lan egin duen komunikazio agentziak ezin izanen zukeen emakumeon lan estutasunak gordinago agertu. Inolako mezu subliminalik gabe, ageri-agerian: Nafarroako Erresumako buruzagiek neskatikoek printzesa altruista heldugabeak izatearekin amets egitea nahiko lukete.
EAEko Justizia Auzitegi Nagusiak ezetza eman zion ABRA Arabako Errioxako Upategien Elkarteak bultzatutako sor-markari. Elkarteak helegitea jarri zion ebazpenari, eta orain Espainiako Auzitegi Gorenak ezetza berretsi du.
Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]
Applen lan egiten duen ikertzaile talde batek adimen artifizialaren (AA) esparrurako egindako ikerketa baten emaitza argitaratu dute. Izenburu esanguratsua du: The Illusion of Thinking. Euskaraz, bere izenburu luzean, honela: Pentsatzearen ilusioa: arrazoitzeko ereduen... [+]
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Joan den ostiralean Israelek Iran eraso zuenetik, bi herrialdeek bata bestea erasotzen jarraitzen dute. Ali Khamenei Iraneko liderra hilko dutela diote Israeleko agintariek, AEBen parte hartze zuzena eskatzen dute, baina AEBetako lehendakari Donald Trumpek ez du oraindik erabaki... [+]
Nazioarteko Sindikatuen Konfederazioak (ITUC) urtero argitaratzen duen txostenak langileen eta sindikatuen egoera globala gero eta okerragoa dela adierazi du.
Azpeitiko Elkar-ekin taldeak protesta ekintza egin du asteazken gauean. 1.000 kilo obra-hondakin utzi dituzte bankuko sarreran, hildakoak irudikatzeko panpinak jarri eta porlanez zikindu dute egoitza.
78ko Sanferminak Gogoan plataformak eta Gasteizko Martxoak 3ko ekimenak bat egin dute espainiar estatuak gertakari latz horietan bere erantzukizuna onartu eta biktimen aitortza ofiziala egin dezan. 'Estatua Erantzule!' izena darama kanpainak.
Birritan saiatu da PSOE legea aurrera ateratzen. "Berriro ekingo diogu, beharra bertute bihurtu behar dela uste baitut. Benetan, unea dela uste dut", adierazi du Ana Redondo Berdintasun ministroak.
Iñaki Egaña historialak Impunes (Txalaparta, 2025) liburuan dio frankismoak talde parapolizialetara jo zuela errepresioa "itxurak mantenduta" ezartzen jarraitzeko, eta beren kideen "inpunitatea" azpimarratu du. Duela 50 urte sortua, bederatzi... [+]
Argentinarra da, baina sustraiek errotzen dute. Euskararekin maiteminduta dago, 25 urterekin ikasten hasi zenetik. Arbasoetako batzuk Euskal Herrikoak zituen, Soraluzekoak eta Azagrakoak, eta bizpahiru urterekin hasi zen Arrecifeseko Euskal Etxera joaten; arbasoa sortzaileetako... [+]
María Chivite Nafarroako Presidentearen "konfiantza galdu" duela eta, Ramón Alzórrizek PSNko idazkariorde nagusi eta Nafarroako Parlamentuko bozeramaile izateari utziko dio. Bere bikotekidea Servinabar enpresan lanean aritu zela publiko egin ostean eman du... [+]
Lanaren Ekonomia irratsaioan faxismoaren gorakada aztertu dugu, munduan eta Euskal Herrian gertatzen ari dena.
Elkarrizketa ilustratzeko erabili dugun argazki nagusia 1970eko hamarkadan hartua da. Erratzuko plaza festetarako apainduta ageri da, ezpelez atonduriko ohiko eszenatokiarekin eta etxetik etxera zintzilik, dilindan dauden xingolekin. Urrunean bi soinulari agertzen dira, Maurizio... [+]
Taldeko kideen aurkako eraso matxistak talde osoaren aurkako eraso gisa ulertzen dituela adierazi du Aroztegiko Elkartasun Komiteak. Komiteak salatu duenez, Aroztegiko epaiketara ikusle gisa sartu nahi zuen jendearen zerrendatik "Baztango mutil-dantzari talde... [+]