Merkelek inposatutako soldatak
Angela Merkel bozeramale eta Nicolas Sarkozy txotxongilo dituztela, “Merkatuek” pentsioen erreforma inposatu dute, eta orain negoziazio kolektiboaren ordua iritsi da. Erreforma horren barruan soldatak sartzen dira. Merkelek argi utzi zuen bere posizioa, gainerako Europar Batasunarentzat (EB) ezarri nahi duena, bestalde. EBn Lehiakortasunerako Ituna negoziatzen ari dira, sei punturen inguruan: soldatak inflazioaren arabera igo behar direla esaten duen tesia utzi eta hauek produktibitateari lotzea; konstituzioetan zorraren eta defizitaren mugak sartzea; lan mugikortasuna erraztea; jubilazio adina bilakaera demografikoaren arabera atzeratzea; elkarteen gaineko oinarrizko zerga harmonizatzea; eta banka-krisiak konpontzeko mekanismoa ezartzea.
Espainiako Estatua inposatu dizkioten etxeko lan horiek betetzen hasi da: lan eta pentsioen erreformak. Eta orain negoziazio kolektiboaren erreforma hasiko da, soldatak ezartzeko modua barnean duela. Merkelek, Sarkozyren laguntzarekin, jadanik esana du zer egin behar den eremu horretan. Soldatak enpresaren produktibitatera lotu behar dira, eta ez inflaziora, orain arte bezala. Berehalakoan, Espainiako Bankuak, CEOEk, BBVAk, Espainiako Gobernuak eta EAJk –Bilbaok hitz egin baitzuen–, Merkelen errezeta bere egin dute, eta sindikatuei inposatzen saiatzen ari dira. CCOOk eta UGTk, beti bezala, “ezta pentsatu ere” esan dute, hortik ez direla pasako. Eta gogorarazi dute Espainiako Estatuan paktaturiko ereduak inflazioaren aurreikuspen harmonikoa, berrikuspen klausula eta produktibitatearen banaketa negoziatua jasotzen dituela. Bada, sindikatu horiek, jubilazioa 67 urtera atzeratzetik ez zirela pasako ere esan zuten. Eta pasa ziren! Eta irribarretsu, Borboi Erregearen ondoan argazki atera zuten. Eta orain ere pasako dira soldatekin, eta bihar osasungintzako kopagoarekin. Bitartean, euskal langileek Madril eta Parisen menpe egotearen ondorioak jasaten jarraituko dute.
Juan Mari Arregi
Egiptoko Poliziak militante ugari atxilotu ditu ostiralean, eta hainbat zauritu eragin, protesta oztopatzeko saiakeratan. Nazioarteko martxaren antolatzaileek adierazi dute aurrera jarraituko dutela, eta datozen orduetan erabakiko dituzte hurrengo pauso zehatzak.
2025eko Aberri Egunean, Imanol Pradales lehendakari jaunak “Euskadi Nazioa da” eta “hemen jarraitzen dugu eta jarraituko dugu, gure hizkuntzarekin eta gure nazio nortasunarekin, ez izan zalantzarik”, ozenki esan zituen.
Euskalduna naizen aldetik,... [+]
Auzo elkarteak, herri mugimenduak eta ekologistak batu ziren asteazkeneko kontzentrazioan. Lantegien jardueraren amaiera itxaroten ari dira duela hamar urte.
Nafarroako landa gune asko daude despopulazio arrisku larrian eta horietako bat da Urraul Goiti Pirinioaurreko bailara. Hango Adoain herrian biztanle bakarra bizi da iraunkorki eta 93 urte ditu. Han da ere Perotx oinetxe zaharra eta berau birgaitzeko herri ekimena abiarazi dute.
Asteartean pasa zuten Tunisia eta Libiaren arteko muga, ondotik Egiptora sartu eta bertatik Gazara heltzeko asmoz. Berez, Libiako autoritateen babesa jasota du ekimenak, eta jarrera horri segika bidea berriz irekitzea galdetu diete poliziei antolatzaileek.
Israelek Iranen aurka orain arte egindako aire eraso gogorrena egin du ostiral goizaldean, Leon operazioa-rekin. Erasoan, Israelgo Armadako 200 bat gerra hegazkinek hartu dute parte eta kalte handiak eragin dituzte Iraneko nuklear programa garatzeko eta misil balistikoak... [+]
Erasoa Bilboko kale horretako ile apaindegi batean egin zuten maiatzean. Erasoa grabatua izan zen eta auzokideek salatu zuten.
Gazarako Martxara bidean, Kairoko aireportuan atxilotu zituzten euskal herritarren artean dago Agus Gorbea, eta momentuz deportatu duten bakarra izan da. Euskal Herrira bidean dagoela erantzun ditu ARGIAren galderak.
Palestinako herria pairatzen ari den genozidioa salatzeko bi eguneko baraualdia egingo du Argituz elkarteak Donostian asteburu honetan, larunbatean eta igandean. Garibai kaleko 19. zenbakian egingo dute elkartasun ekintza.
Espainiako Estatuak eta Palestinak bultzatuta, 146 herrialdek alde bozkatu dute, 12k kontra eta 19 abstenitu dira. Ebazpenak Gazako sarraskia eta Israelen hedapena Zisjordanian salatu ditu eta nazioarteko ebazpen judizialak betetzea eskatu.
1984an, Lemoizko zentral nuklearrak bere ateak betirako itxi zituen, konpondu gabeko urteetako gatazka eta zauriak atzean utzita; zentralaren azpiegitura ia berdin mantendu da, eta gertatutakoa, isilpean iraun du. Orain, tokikoek hainbat proiektu proposatu dituzte Basorda kalako... [+]