"Langileok argi daukagu pare bat hilabetean, gehienez, hau itxi egingo dela"
Ricardo González bilbotarrak 21 urte egin ditu Babcock Wilcox-en. Ordezko atalen saileko arduraduna da gaur egun; uneon, bezeroei eskaintzeko ezer ez daukala esatea beste zereginik ez du kasik. Enpresaren azken hatsa barrutik nola bizi duen azaldu digu solasaldi honetan.
BWn eman duzun denboran enpresa publikoa zen garaia bizitzea tokatu izan zaizu, eta baita geroko pribatizazioak ere.
Hala da. Esku batetik bestera ibili gara, eta azkenerako ez dakizu nor den zure jabea.
Tira, oraintxe Austrian Energy-ren (AE) parte zarete, ezta?
Bada, ez dago hain argi. Irailean agiri bat bidali zuten, esanez gauzak oso ondo zihoazela. Eta bat-batean, taldeko beste enpresa batek, Australian dagoenak, ehunka milioi euroko galerak eduki zituen txarto atera zitzaizkielako esku artean zituzten proiektu batzuk. Horrek domino efektua eragin du, eta egun batetik bestera austriarrek esan zuten ordaintzeak eteten zituztela. Eta nork bereari eutsi behar ziola. Zer gertatzen da? Ordura arte BW erabat austriarren menpe zegoela. Nik dagoeneko ez dakit ziur zuzenean austriarrak eurak ziren, edo SEPI, baina aldiro-aldiro diru eske joan behar ginen haiengana, bestela ez geneukan ez materiala erosteko, ez soldatak ordaintzeko...
Eta zuek kobratu egin duzue?
Horretan zortea izan dugu eta behintzat abendukoa kobratu dugu. Gabonetako paga zor digute, hori bai. Esan zuten azaroa izango zela kobratuko genuen azken hilabetea, baina geroztik diru apur bat sartu da, kobratzeke genituen zenbait gauza... Momentu honetan, ordaintzeen etena aurkeztu zenetik, administratzaile judizialek erabakitzen dute gastu bakoitza. Kobratu badugu haiek erabaki dutelako izango zen.
Maiatzera arte irauteko akordio bat dago, baina elkarrizketa hasi aurretik esan didazunez honek ez du hain luze iraungo.
Nahiko argi dago. Gaur egun ez dugu lanik egiten, nik honezkero ez diet eskaintzarik egiten bezeroei. Badaude itxi beharreko kontutxo batzuk, baina ez da lan berririk sartzen. Langileok argi daukagu pare bat hilabetean, gehienez, hau itxi egingo dela. Nire iritziz, jokaldia txarto atera zaio Austrian Energy-ri, maiatzaren 31ra arte iraungo genuela pentsatzen zuten, eta horren ostean akordiotik libre egongo ziren.
Eta ezin daiteke gertatu AEk zerbait egitea maiatzaren 31ra arte nola edo hala eusteko?
Baliteke, baina oso zaila da hori. Lantokira goaz eta ez dugu ia ezer egiten zortzi orduz, han egon baino ez.
Bere garaian enpresa publiko egin zen hondamenditik salbatzeko.
Ez zait iruditzen berriz gertatuko denik. Abenduan Eusko Legebiltzarrera joan ginen langileok, eta han gure aldeko mozio bat onartu zuten, PSE ez beste guztien botoekin. Baina horren ondorio bakarra da esatea Legebiltzarra gure alde dagoela, haien babes morala daukagula. Baliteke beste enpresaren bat sartzea, dirua mahai gainean ipintzea eta BW salbatzea, baina ez dut uste.
Xak eta Ekiza
Non: Ondargain txiringitoan (Deba)
Noiz: abuztuaren 27an.
-------------------------------------------------------
Euri langarraren eta lanbro-lainoen artean pasatu dugu Gipuzkoako muga, kostaldean zehar doan errepidetik itsaso zakarrari beha. Bandera... [+]
Astelehen goizaldetik 23 palestinar behintzat hil dira Gazako hiriburuan, tartean bi haur gosetearen ondorioz. Igandeaz geroztik gutxienez 50 etxebizitza eraikin eraitsi ditu Israelek, beste 100 kaltetu, eta desplazatuen kanpameduetako 200 denda suntsitu.
Itsuki Irratia Bermeoko ahotsa izan zen 1985etik 2022ko otsailera arte. Orduan, zailtasun ekonomiko eta teknikoek proiektua bideraezin bihurtu zuten, eta irratiaren itxiera ekarri. Baina urtebeteko berrantolakuntza prozesu baten ondoren, irailaren 1ean berriro martxan jarri dute.
Uztailaren 20an, goizaldeko 04:00ak aldera, Azpeitiko Gaztetxearen ondoan jazo ziren gertakariak, gazte batek pilen edukiontzi batean ACAB leloa [All Cops Are Bastards edo "Polizia guztiak sasikumeak dira"] idatzi eta Ertzainek isuna jarri ostean. Hasiera... [+]
24 bertsolarirekin ekingo dio bideari Nafarroako Bertsolari Txapelketak. Auritzen izango da, urriaren 4an; eta, lehen aldiz, Nafarroa Arenan izango da finala, azaroaren 29an. Saio guztietarako sarrerak salgai daude dagoeneko, Bertso Sarrerak atarian.
Jaizkibel konpainia berdinzaleak ekintza berezia egin du Hondarribiko alardearen egun honetan. Gutuna eman diote alkateari, mahai gainean bestelako planteamendu batzuk jar ditzala eskatuz.
Euskarazko ekoizpenek presentzia nabaria izango dute aurtengo edizioan. Bestelakoen artean, espektatiba handiko lan eta gonbidatuak izango dira Donostian: George Clooney protagonista duen Jay Kelly pelikula; Angelina Jolie ere ikusiko dugu Couture-rekin; Julliete Binoche... [+]
Sail Ofizialean erakutsiko dira hiru: Maspalomas, Karmele eta Zeru ahoak. Lehia nagusitik kanpo, zuzendari onenaren saria irabazten ahaleginduko da Irati Gorostidi Aro berria pelikularekin. Beste zenbait lan ere aurkitu ahalko dira.
Zinemaldiaren atariko orokorra beste [+]
Etengo du. Hori da kaskora supituan etorri zitzaidan pentsamendua, gosaria ahoan eta Euskadi Irratia sintonian, Imanol Pradales lehendakaria entzun nuenean CAF “gogoeta etikoa” egitera gonbidatuz, Palestinako lur okupatuetan trena eraikitzeko duen kontratua eten edo... [+]
.jpg)
Astebete igaro da Bartzelonako portutik Global Sumud Flotilla ekimeneko lehen ontziak itsasoratu zirenetik, Gaza helburu. Tunisian lurreratu berri erantzun ditu ekimeneko euskal ordezkaritzako kide Itziarrek –abizenik ez du eman nahi– ARGIAren galderak, igande... [+]
Irulegi eta Anhauze artean ditu mahastiak Joanes Haritschelharrek, Amama proiektuaren bultzatzaileak. “Mahastiak ene amarenak ziren, eta bera jubilatu zenean hartu nuen nik etxaldea, 2022an”, azaldu du. Ama mahastizaina eta aita ardi gasnagilea ditu, eta beraz, beti... [+]
Izarrak, ortzi mugagabean, keinu egiten diguten argi izpi dardarti liluragarriak dira, osotasuna eta ezereza bateratuta, zer garen ulerrarazteko oroitarri zaizkigunak: izan sua, izan ondotik joan zaizkigun kuttunak, gizakiaren txikitasuna edo Anbotoko Mariren edertasuna;... [+]
Ekofeminismoak bizitza nondik eta nola baloratzen duen, ikuspegi konplexuagoa eraikitzeko proposamena dakart. Desazkundearen inguruko ekofeminismoa eta antiespezismoa ezagutzearen ondorio dira datozen lerroak; landa eremuan jaio eta hirigunean bizitzeak dakartzan ikuspegiekin;... [+]
Orriuldu gabe daude oraindik zuhaitzak eta arbolak. Hostoak ihartu gabe daude, bai. Eta hostoa jasotzeko sasoi aproposa da. Hostoa, batez ere geroago jasotzen da; zuhaitzaren adaburua janzten duen orritza edo hostotza erortzen denean edo orriultzen denean, lurraren instantziako... [+]