Tiraka blogean martinrezola erabiltzaileak esanak: "Nik halaxe irakurri dut, oro har, Patxi Baztarrikaren Babeli gorazarre liburu potoloegia. Hau da, gehiago nabaritu diot fededunaren ikuspegia benetako egoera aztertu nahi duen jakinzalearena baino. Desiragarria, ‘nahiko genukeena’ lehenetsi egiten da, errealitate gordinaren kaltean. Eta zerbait desiragarria izateak –‘erakargarri egin behar dugu euskara’, ‘adostasuna beharrezkoa da’…– ez du zertan, berez, inolako aurrerakuntzarik ekarri; areago, kalterako ere izan liteke, egoeraren larriari aurre egiteko indarrak ahuldu baititzake, atsegintasunezko autoengainuaren bidez".