Santurtziko (Bizkaia) Nazioarteko Antzerki Jaialdiaren 31. edizioa urriaren 9tik azaroaren 20ra bitartean egingo da. Opera, dantza eta antzerki ikuskizunez gain, eszenarako Euskal Herriko musika egile profesionalei zuzendutako topaketa egingo da, Musika eszenikoak izenburupean. Topaketak Deabru Beltzak antzerki-konpainiak antolatu ditu Fundación Autor eta SGAEren laguntzarekin. Jean Louis Cortez izango da hizlaria eta Fran Lasuen koordinatzailea. Horrez gain, Oriol Jauregian Euskal Antzoki Sarearen (SAREA) batzar nagusia egingo da. Euskadiko udal antzokietako ordezkariak bilduko dira bertan.