Kalerako hizkuntza eta etxeko lanak

  • The Zepo ::Ya llegó

    Autoekoizpena

    iraupena ::34´09´´

    prezioa ::10€

The Zepo
Orain dela bi urte hernaniar hauen lehenengo lana esku artean izan nuenean, zur eta lur gelditu nintzen Platero y Tú-ren eskolako gaztelerazko rock urbano lana aurkitu nuelako; ez nuen espero. Jarraitzaile kopuru polita dute eta gogotsu aritzen dira lanean. Oraingoan, baina, hastapenetako ildotik erabat aldendu ez badira ere, jada ez dira iraganeko gazte berberak; bestelako jantziak ibiltzen dituzte. Hainbat kantak Los Suaves eta Extremoduroren arrasto nabaria badute ere, bestelako tempo eta ñabardurak aurkitu ditugu, askoz zabalagoak. Saxo, tronpeta, hammond, teklatu eta bestelakoekin pieza ia errezitatuak, balada trazakoak eta blueseroagoak ere batu dituzte; baina baita orain arteko kanta azkar eta rock-and-rolleroak ere. Hitzei dagokienez, poesia uztartuz, lantzen ahalegintzen dira.

www.thezepo.com
The Zepo
'Rock Urbano” bezala etiketatuak gaude, baina abesti bakoitza mundu bat da diskoan

Ya llegó (Iritsi da). Itxaronaldia edo prozesua luzea izan da?


Itxaronaldia baino prozesu luzeagoa izan dela esango genuke. Etxeko lanak ondo egin nahi genituen eta gainera Luis bateria jotzaile berria taldean sartu zen.


Aurreko diskoko kantuak bat-batekoak ziren; hau, berriz, landuagoa da eta moldaketa asko ditu. Heldu zarete?


Esperientzia handiagoa dugu eta gogoa genuen abestiei ukitu berri batzuk emateko, adibidez, saxoa, tronpeta, hammonda, teklatua… Baina sortze prozesua betikoa izan da, asko inprobisatzen dugu, beraz esan genezake, abestiak eskatzen ziguna eman diogula.


Abesteko era ere dezente aldatu duzue eta tarteka errezitatu egiten duzue. Zer lortu nahi duzue? Zer eskatzen dizue gorputzak?


Saiatu gara ahotsari aurreko diskoetan baino presentzia handiagoa ematen. Abesteko modua asko aldatzen da, adibidez, abestiaren melodia oso markatua bada eta gainera hitzak sakonak badira, abeslariak sentimendu handiagoarekin abesten du. Bestalde, kanta psikodelikoagoa denean eta hitzak bihurriak badira ezberdin abestea iradokitzen dio Iñakiri.

Lan hau ere Santa Barbara 89 garaje-estudioan grabatu duzue zuen kasa, eta emaitza dotorea da…


Mila esker. Garajea pixka bat txukundu dugu. Pixkanaka estudio txiki bat egiten ari gara, diskotik diskora aldaketa txikiak egiten dizkiogu-eta, baina oraindik ezin esan estudioa denik.


Aizue, haizezko instrumentuak ez dira hain tipikoak rock urbanoan, e!


Egia esan, disko hau oso aberatsa da alde horretatik. Egia da “Rock Urbano” bezala etiketatuak gaudela, baina abesti bakoitza mundu bat da disko honetan, blues, hard-rock, rock & roll, punk eta funk estiloak aurkitu daitezke.


Oraingoan ere kanta bat euskaraz egin duzue…


Bai, eta etorkizunean pixkanaka gehiago egiteko asmoa dugu. Egia esateko, euskaldunak izanda, gogoa dugu abesti gehiago euskaraz sortzeko, horretan gabiltza.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude