Umore gupidagabea

You Will Meet a Tall Dark Stranger. Zuzendari eta gidoilari: Woody Allen. Aktoreak: Gemma Jones, Josh Brolin, Naomi Watts, Anthony Hopkins, Lucy Punch. AEB-Britainia Handia-Espainia. 98 minutu

Istorioen kokalekua AEBetatik Europara aldatu duenetik, komedia arin eta korapilatsuetara gauzka ohituta Woody Allenek, pretentsio handirik gabe, ezer frogatu beharrik ez duenaren lasaitasunarekin. Baina estilo axolagabe hori baliatuta, egungo gizarte heldugabe eta zikoitzari gordinki barre egiten dio zuzendariaren azken filmak.

Narratzaile bikaina dela argi utzi du, eta gai dela maisutasunez familia bat nola desegiten den kontatzeko, umoretsu baina gupidagabe. Pesimista handia da newyorktarra eta komedia arinez mozorrotuta kontu gaitzei heldu die zirikatzaile, horietako asko ohikoak bere filmografian: maitasunaren amaiera, zahartzeari beldurra, arrazoia vs. sineskeria –eta sineskeria da garaile, inozo ezjakinak zoriontsuago baitira–, diru-gosea, familiarteko harremanak… Eta porrota. Umorearekin egingo ez balu, gizarte patetikoa eta etsigarria irudikatuko liguke Woody Allenek. Horrelakoxea baita: gidoian ezusteko bihurgune arriskutsuak hartzeko gai, pertsonaiak amildegira jaurtiz, erreskatatzeko inongo intentzio barik.

Bikain dago Anthony Hopkins, adinaren krisiak jota, gimnasioan eta solariumean sartuta eta bere alaba izan zitekeen aktore ile-hori ederrarekin maiteminduta. Finak baita ere Gemma Jones eta Naomi Wattsen antzezpenak.

Eta gustuko ez baduzu lasai, laster izango da aretoetan zuzendariaren sorkuntza berri bat, bere erritmo frenetikoari jarraiki jada beste film bat egiten ari baita, Carla Bruni tarteko. Beti gauza bera egiten, eta inoiz errepikatu gabe. Horretarako ere behar da talentua.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude