Infernuko irakaspenak eta adinak emandako esperientzia

  • The Hot Dogs ::Nothing but a bad day

    GP

    iraupena ::39'14''

    prezioa ::10€

Honako hau Urretxuko talde rockeroaren laugarren lana da eta beraien hastapen luzean infernuraino heldu eta bertan ia erre baziren ere, orain dela urte gutxi III izeneko lanarekin bizidunen artera bueltatu ziren. Itzulerakoa lan dotorea eta oso landua bazen ere, ez zen hain bizia; baina oraingoan bai, jakin dute fintasuna eta taldearen berezko energia, biak, uztartzen. Taldearen eskarmentuaren eta gaur egun bizi duen egoeraren ispilu, AC/DC eta Rolling dinosauroen arima bizi-bizirik dago, hainbat kantutan The powerhouse lanaren bat-batekotasuna lortu dute, riff-ak ikaragarriak dira, baina aldi berean AEBetako hegoaldeko rockera eta sonoritate ilunagoetara ere hurbiltzen badakite. Bestalde, ingelesez abestutako istorioak gero eta bereziagoak dira eta zuzenean ez dute lehenagoko sugarra galdu.

www.myspace.com/hotdogsarmy
Agertokira igo aurretik komunera joan beharrean ez bazaude, zerbait ez dabil ondo

You can bet it. Oraindik gauza asko dauzkazue esateko?


Entseatzeko abesti bat, idazteko hitz bat edo kontzertu bat dagoen bitartean jarraituko dugu taldearekin. Guztiok daukagu argi egunen batean hau bukatuko dela, baina ez dugu horretan pentsatu nahi. Egiten duguna gustuko dugu? Bai. Ba beste guztia bigarren mailakoa da.

Scary. The Hot Dogs!-ek dagoeneko badio zerbaiti beldurra?


Beti izaten zaio beldurra zerbaiti, eta zure onena emateko ezinbestekoa dela ere uste dut. Zure sabela ez bada matxinatzen edo agertokira igo aurretik komunera joan beharrean ez bazaude, zerbait ez dabil ondo.


Can’t change mine kantak beste gorputz bat dauka eta beste guztiez aldentzen den sonoritatea du…


Nigandik irten zen, baina Iñigok borobildu zuen. Insomnio gau bateko ideia parrastada da; oso gustuko ditut kanta horren hitzak. Musikari dagokionez, hasieratik tempo egokia harrapatzen ez badiozu magia galtzen du; baina harrapatuz gero nire kuttunenetako bat da.

You can bet it, Can’t change mine, Alive eta Animal thirst kantek aurrera begirako ihesaldia erakusten dute…


Urteen poderioz hitzak beste modu batean ikusten ditut. Gaur egun garrantzi handiagoa ematen diot fonetikari, nahiz eta mezua zaindu.

Etxean grabatu duzue, Urretxuko antzokian…


Bai, oraingoan diskoa grabatzen hasi aurretik kantak maketatu egin genituen. Antzokian lortutako soinuak txundituta utzi gintuen. Oinarri horrekin Madrilera jo genuen Astrayen estudiora, baina konturatu ginen onena zela antzokira itzultzea, eta Astrayen estudio mugikorrarekin bertan berriro grabatu genuen guztia. Oso gustura gaude lortutako emaitzarekin.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude