Euro beltzak beltz

Arotzak begiko du intxaurra, eskuko, hatzeko, mamiko. Izugarri estimatua izan da zurgindegietako bankuetan, lanerako mahai berezi horietan. Orgagintzan eta tornu lantegietan zur nagusietakoa izan da. Gerezia izango zen haren luxuaren aparren pare, baina lizarra, haltza, gaztaina, pagoa, astigarra, zumarra eta abarrak itzalpean zituen. Apar handikien beharrik gabe, haritza magikoa eta sekulako hagina besterik ez ditu izan nagusi.
   
bat arotz, eta ero, burutik dago. Intxaurrak txora-txora eginda dauka. Azkenekoa ere ederra botea du, ez du bada intxaur beltzezko ohol erraldoia erosi! Bost metro luze, metro bete zabal eta sei zentimetro eta erdi lodi da erraldoia. Itxuragabe ordainduko zuen Portugalgo Bragança ingurutik abiatu eta batetik bestera ibili ostean Arabako zurgindegi batean atseden hartu duena. Ez diot galdetu zenbatean kitatua duen, baina asko balio du, badakit, milaka eta milaka euro. Antzeko neurriak dituen beste ohol baten berri banuen eta saltzaileari deitu diot, Castillara, eta mutur-muturretan bota dit: han bertan hartzera 12.000 euro. Luxuetan luxua. Paregabeko mahaia egin nahi duenik bada, oholerako bidezidorra erakutsiko diot.

Arma luzeen kaxak edo ipurdiak egiteko ere ohiko gaia da intxaur beltza. Eskopeta, fusil eta antzekoen ipurdi edo kirten hori egiteko behar den intxaur puxketa beltz ordaintzen da. Ordainetan zera eskatzen zaio egur zatiari: lanerako, burdinari lotuko zaion aldean beta zuzenak, tiroarekin zartatzeko arriskurik ez izateko eta aldamenekoen aurrean finolatzeko, atzeko alde zabalenean eta kanpoko aldera begira beta-lore ahal den ikusgarrienak. Salneurria? Mila eurotik gora erraz ordain daiteke, intxaur puxketatxo soila!

Azkenak
Zahartzaroak

Zahartzearekin aldaketa fisiologiko, emozional eta psikologikoak gertatzea unibertsala bada ere, horiek lurreratzeko modu materialak, sozialak eta pertsonalak ez. Maiz zahartzaroa singularrean deklinatzen da baina elikadura, energia, ura, hezkuntza edo osasun zerbitzuetara... [+]


2024-05-27 | Garazi Zabaleta
Arsue zerbitzua
Ardi suhiltzaileak Lizarran

Lehen begi kolpean, ohiko artaldea dirudi argazkikoak, ezta? Bada, ez… ardi horiek suhiltzaile ere badira eta. Nafarroako Zunbeltz Nekazaritzako Test Guneak zerbitzu berria eta berritzailea jarri du martxan Lizarraldean: Arsue, edo artalde suhiltzaile estentsiboa... [+]


Udan datorren buztingilea

Hego luze eta zorrotzak eta v formako urkila-itxuradun buztana duen hegazti hau ikustean badakigu Euskal Herrira uda heltzear dagoela. Bizkarraldea eta buztana beltzak ditu, distira urdinxkekin, papar gorria eta azpialdea, aldiz, zurixka. Euskaldunon sinesmenetan presentzia... [+]


2024-05-27 | Jakoba Errekondo
Bertan bertan... erlesemeari

Maiatzak 4 zituen, larunbatarekin. Ez zen giro bereziki beroa, baina bai, hotzik ez behintzat. Halako batean burrunda, burrunda galanta, aspaldi entzun gabekoa. Hor azaltzen da etxeko atarian erle pila, milaka erle hegan, hegada sinkronizatu dotorean, dunbots batean. Erlesemea.


Eguneraketa berriak daude