Joxemiel Barandiaran (Ataun, 1889-1991) antropologo eta etnografoaren bizitza eta lanak biltzen dituen museoa zabaldu dute Ataungo (Gipuzkoa) San Gregorio auzoko Larruntza errotan. Museoa osatzen duten bi eraikinen barruan testuak, argazkiak, bideoak eta indusketetako piezak daude besteak beste erakusgai. Museoa Gipuzkoako Parketxe Sarearen barruan sartu denez, bertako arduradunek kudeatuko dute.