Greba orokorraren irakaspenak


2010ko uztailaren 06an
Arrazoi batzuengatik edo besteengatik etorkizunean Euskal Herrian deituko diren greba orokorretan aurrera egiteko, ondo legoke aztertzea orain arte egin direnak. Azkena da horien artean, sindikalgintza abertzaleak eta CCOOk besteak beste lan erreformaren aurka deitutakoa. Greba orokorra deitzeak sektore guztien inplikazioa dakar, ez bakarrik lan arlokoa –pribatua eta publikoa–, eta herritarren egunerokoa geldiarazi behar du. E-29koa nabarmena izan zen, baina desberdina, eta batez ere, herri txikietan salbu, ez zuen herritarren egunerokoa geldiarazi. Mezuak erreformaren ondorio laboraletara mugatu ziren, ez ziren zabaldu horrek guztiak familiei, pentsionistei, hezkuntzari, komertzioei, tabernei eta auzoei ekarriko dien ondorioetara. Horregatik, greba egitera atera zirenak nagusiki industria arlokoak izan ziren. Lehen irakaspena: mezuak zehaztu, zabaldu eta orokortu egin behar dira lan sektorean, gizartean, familietan eta pentsionisten artean.

Grebak baloratzeko orduan, E29koa tartean, Patronalak, Administrazioak eta sindikatuek oso datu ezberdinak eskaintzen dituzte: batzuek “erabateko porrota” (Patronalak) edo eragin eskasa (Administrazioa) aipatzen dute eta bestetzuek arrakasta (sindikatuak) izan dela diote. Seguruena hiruretako inork ez du egia osoa esan. Alde bakoitzak bere interesak defendatzen ditu. Bigarren irakaspena: Inportantea da egiari leial izatea. Ez da ezer lortzen grebaren jarraipena murriztu, puztu edo manipulatzearekin. Herri bakoitzean eta enpresetan badakite zein izan den benetako erantzuna.

Ez du arrazoizkoa ematen kapitalismoak baturik egin duen eraso larriari sindikatuek bananduta erantzutea. Eskandalua da grebarako bi deialdi izatea egun berean, eta mobilizaziorako beste bat hurrengo egunean. Hirugarren irakaspena: sindikatuek ekintzak bateratu behar dituzte interes berekoien gainetik.

Azkenak
Istiluak berpiztu dira Kanaky uharteetan, independentziaren aldeko zazpi buruzagi Frantziara preso bidali ostean

Asteazkenean, ekainaren 19an, atxilotu zituzten eta Frantziako espetxeetara bidali dituzte asteburuan. Maiatzean izandako istiluetan bortizkeria ekintzak antolatzea leporatzen diete.


Zaharraz Harro! jaiak
Beren atarietan etxebizitza turistikoak debekatu dituzten auzokideak omendu dituzte Gasteizko Alde Zaharrean

Etxebizitza turistikoen aurkako kalejira egin dute Zaharraz Harro! jaien barnean, Auzoan Bizi etxebizitza sareak antolatuta. Etxebizitzarekin “negozioa” egiten dituztenak salatu dituzte, bereziki Gustavo Antepara PPko zinegotzia, eta beren atarietan etxebizitza... [+]


281 gorroto delitu erregistratu ziren iaz EAEn, eta %64 izaera arrazista edo xenofoboagatik

Gorroto-gertakarien kopurua 2022. urtearekin alderatuta %35 txikiagoa izan zen, baina bigarren kopururik handiena da azken zortzi urteetan. Tipologiari dagokionez, lesioak (%32) eta mehatxuak (%24) nabarmendu ziren. Delituak jasan zituztenen erdia baino gehiago migratutako... [+]


2024-06-25 | ARGIA
Pirinioetako alkateek salatu dute “noraezean” dagoela despopulazioari aurre egiteko gobernuaren plana

Pirinioetako Mahaiak agerraldia egin zuen ostiralean, "konpromisoen lege bat" eskatzeko eta Nafarroako Gobernuari "neurri zehatzak" exijitzeko.


Eguneraketa berriak daude