Uztailaren 2an eta 3an egingo da Mendebala jaialdia Sopuertan (Bizkaia). Zazpi kontzertu izango dira, guztiak doakoak. Adarrots, Luar Na Lubre, Bizardunak, Xabi Aburruzaga, Tejedor neba-arrebek, Sokaidek eta Fala Non Caduca taldeek joko dute. Kanpatzeko tokia ere egongo da. Egun berdinetan Tolosandblues blues jaialdia izango da Tolosan (Gipuzkoa). Lou Marini New Yorkeko saxofoi-jotzailea, Red House taldea, The Romantics, Mc Jeara's Band, Sherman Robertson eta Blues Connection arituko dira.