Salaketa izan nahi bazuen, ustel atera zaio
Aktoreak: Luis Tosar, Alberto Amman, Marta Etura, Antonio Resines. Espainia/Frantzia. 110 minutu.
Orrialde honen beheko aldean ageri den datan, Espainiako zinemaren Goya sariak banatuko dira, eta Celda 211 filmak eramango ditu horietatik ez gutxi, baina seguruenik ez hainbeste ere, nire ustez. Hamasei hautagaitza ditu, baina Agora dauka arerio nagusi, eta badakigu zein luze duen Amenabarrek itzala.
Sariekin ala gabe, Celda 211-k ikusle asko maitemindu ditu. “Bikaina!”, “aspaldi ez da halako lan txukunik egin Espainian!”, irakurri dut han-hemenka behatu ditudan blogetan. “Espainiarra ere ez dirudi!”, ausartu da bat. Blogosfera zabala da ordea, eta kritika txarrak ere kabitzen dira barruan. Ni ez naiz bereziki aditua zineman, ikusle soila besterik ez, eta pelikula gustatu zait, esan nahi baita ordu eta erdiz entretenitu nauela, baina kritika batzuk aintzat hartzekoak iruditu zaizkit.
Pelikulari leporatu dioten akatsetako bati helduko diot: narrazioak kasualitate gehiegiri esker egiten du aurrera. Gertakari sinesgaitzak banan-banan hartuta, zer esanik ez denak batera. Filmaren hasiera, ondorengo guztia ahalbidetuko duena, hanka eta bururik gabeko egoera bat da. Juanek Zamorako espetxean lanean hasi behar du, funtzionario. Lehenbiziko lan egunaren bezperan, bertara doa, kartzelako nondik norakoak ezagutzeko asmoz, eta hara non une horretan presoak matxinatu egiten diren. Juan matxinadaren erdian harrapatuta gelditzen da –hori lortzeko gidoiak egindako kabriolak esplikatzeak luzeegi joko luke–, eta bera ere espetxeratuta dagoela sinestarazi behar die presoei, bertan akabatu ez dezaten.
Hasieran, Juan kanpoko lankideei laguntzen saiatzen da, ezkutuan, baina pelikularen amaieratik hurbil matxinatuekin bat egin eta Madriletik bidalitako negoziatzaileen aurrean espetxeko egoera latza salatzen du. Ikusi ez dutenei ez izorratzearren, ez dut esango filmak egoera horretara iristeko zer bide egiten duen, baina bai kasualitate ikaragarriz betetako bidea dela, mcguffin bezala erabilitako ETAko hiru kide eta guzti.
Ez daukat argi Celda 211 espainiar espetxeetako egoera salatzeko erabili nahi izan duen Daniel Monzón zuzendariak. Hala izan bada, ahaleginak ez du sinesgarritasunik. Batetik, barruko bizimodu arrunta ez duelako erakusten –hasieratik amaierara, presoak matxinatuta daude–; bestetik, ez dakigulako seguru Juanen aldarria zintzoa denez, izan ere tragedia pertsonal batek bultzatu du bere kideak zirenen aurka jartzera. Tragedia horren erruduna funtzionario bakar bat da, funtzionario txarra, frankismoaren oinordeko petoa, baina sistemari ezin zaio ezer leporatu; espainiar espetxe politika ez da ankerra per se. Kontua da, Alvaro Reizabalen liburu baten izenburuak zioen bezala, “badakigula nolakoak diren etxe hauek, aizue”. Kartzeletako egoera horrelakoa da berez, ez dago aldatzerik, eta errua ez da inorena. Hori da niri iritsi zaidan mezua.
Ostiral goizeko albisteak erreakzio ugari piztu ditu Israelen zein nazioartean. Aurka agertu dira Israelgo bahituen familiak eta NBE. Alemaniak, Israelen aliatu tradizionalak, armak saltzeari utziko diola jakinarazi du.
25,6 eguneko batez besteko itxaron zerrendak daude Osakidetzako Osasun Mentaleko Zentruetan. Larrialdi kasuetan, aldiz, 24 eta 72 ordu arteko itxaronaldiak daude.
Lau hilabete daramatzagu greba mugagabean, hitzarmen propio baten eta lan-baldintza duinen alde. Lau hilabeteko greba honetan, udaltzainek piketeetan bortizkeriaz zapaldu gaituzte, hirian jarraitzen gaituzten eta mobilizazio bakoitzean zelatatzen gaituzten polizia... [+]
Gipuzkoako Foru Aldundiak eta Donostiako Udalak Oñatiko Arantzazu egoitza eskaini dute maliar migratzaileentzat. Bertan geldituko dira Espainiako Gobernuak haien asilo eskariak ebazten dituen bitartean.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Ostiral goizaldean eman du erabakiaren berri Israelgo Gobernuak, hamar orduz luzatu den bilera baten ondoren. Dena den, okupazioa gauzatzeko, gobernu osoaren baiezkoa behar du Netanyahuk: igandean izan daiteke bilera. Segurtasun Kontseiluak, halaber, mugak jarri dizkio... [+]
Sorkuntzarako, gozamenerako eta aldarrikapenerako espazio moduan dute oholtza musikari askok, baina bere ingurumarietan katramilatzen dira sarri, eta espazio "bortitz" bihurtzen da hegemonikoak ez diren gorputz askorentzat. Presio estetikoa, egiteko modu deserosoak,... [+]
Lautadako mamua
Xabier Montoia
Elkar, 2024
112 orrialde
Eleberri labur honetan egileak XIX. mendeko Euskal Herrira garamatza, sekulako sona hartu zuen Juan Diaz de Garaio hiltzailea duela protagonista. Arabako landa guneko jendarte tradizional eta giro hotzean barneratzen... [+]
Joan den astean Trumpek ohartarazi zion Putini hamar eguneko epean Ukrainarekin su-eten akordio bat sinatu ezean, zigor ekonomikoak ezarriko dizkiola. Zelenskik sare sozialetan adierazi du ezinbestekoa dela Errusiako presidentearekin bildu aurretik lehenbizi su-etena... [+]
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
338 hektarea erre ditu astearteko suteak. Nekazarien sindikatuak haserre agertu dira Nafarroako Gobernuak suteak saihesteko ezarritako murrizketekin. Asteazkenean beste sute bat piztu da Artaxoa eta Añorbe artean, baina hura ere kontrolpean dute suhiltzaileek.
Ohartarazi du ChatGPT lanketa emozional “sakonak” egiteko erabiltzea “arriskutsua” izan daitekeela ez duelako erabiltzailearen testuingurua ezagutzen eta “gehiago biktimizatu” dezakeelako.
Urtebetetzeek eta urte aldaketek pilaketa bidezko eragina dute: alegia, banaka, gertatzen direnean, nik ez dut ezer sumatzen. Urtebetetzeetan, ondo xamar egin badut segundo batzuez olgatzen naiz (nire baitarako), nire garunaren zati batek ezin dio utzi zoriontzen dutenean... [+]
Apirilean argitaratu zuen Amorante frantsesa (Susa) Miren Agur Meabek (Lekeitio, 1962). Thriller ukitua du poemen bidez idatzitako nobela deigarriak eta, istorioa fikziozkoa den arren, badu idazlearen aurreko lanak markatu dituen kutsu autobiografikoaren arrastorik. Hortaz,... [+]
Zer: Orquesta de la Comunitat Valenciana.
Zuzendaria: Mark Elder. Donostiako Orfeoia.
Zuzendaria: José Antonio Sáinz Alfaro.
Bakarlariak: Federica Lombardi (sopranoa), Paula Murrihy (mezzoa), Xabier Anduaga (tenorea), Will... [+]