Izenak
Xabier Letek Egunsentiaren esku izoztuak liburuko poemekin eginiko hainbat errezitaldi bildu dituzte Neguan izan zen DVDan. Iazko abendutik otsailera bitartean Iruñean, Donostian, Bilbon eta Izpuran egin ziren emanaldietako irudiak ikus daitezke; autorearen 22 poema guztira. Pamielak kaleratu du lana, Gipuzkoako Foru Aldundiarekin elkarlanean.
Augustin Zubikarai idazle, euskaltzale, kazetari eta sustatzailearen biografia idatzi du Ana Urkizak Augustin Zubikarai. Herri euskararen zaindaria lanean (Elkar). Liburua dibulgatiboa dela eta haren obretan sakondu baino, haren berri ematea helburu duela adierazi du autoreak. Zubikarairen kronologian, bi zati bereizi ditu Urkizak: 1936ko gerra aurrea eta ondorena, gerrak eta gerra-osteko diktadurak eragin handia izan baitzuten Zubikarairengan.
Aitor Arana legazpiarrak laugarrenez irabazi du SM Fundazioak urtero ematen duen Baporea Literatur Saria, Vampiria eleberriarekin. Epaimahaiaren arabera “topikoetara jo gabe” idatzi du Aranak banpiroen nobela hau. Ikasmina argitaletxeak kaleratuko du lana.
Ehunka sionistek eserialdia egin dute Israel hegoaldean, bidea oztopatzeko Jordaniatik datozen kamioiei. Zisjordanian laguntza humanitarioa zeraman konboi bati eraso egin eta produktuak suntsitu dituzte.
Basoilar kantauriarrak (Tetrao urogallus cantabricus) biziraun dezan, beste populazio baten geneak behar dituela ondorioztatu dute Doñanako Estazio Biologikoko ikertzaileek (CSIC). Izan ere, gaur egun basoilarra ehizatzea debekatuta badago ere, aurreko mendean bereziki... [+]
Nola ezar euskara, gal-bidean, ahal-bidean eta zabal-bidean? Galdera horri ihardukitzen entseatuko da Mattin Irigoien Zabalik elkarteko kidea, ostegun honetan eskainiko duen mintzaldian.
Klaratarrek Urduñako komentua erosteko kontratua sinatu zuten, baina Elizak atzera egin du salerosketan eta mojek testu luzea argitaratu dute, zeinean Pablo de Rojas Sanchez-Francoren diziplinara batu diren. Mario Izeta apezpikuak eskumikatu zuen erlijioso hori 2019an... [+]
Hamar urte dira Donostiako Herrera auzoko emakumeen pala txapelketa abiatu zutenetik. Mozkor Frentekideok txapelketa 1987. urtean sortu zen, baina 2014an emakumeek harmailak utzi eta frontoiaren erdigunea hartu zuten.