Soltaren izeneko gaztea da Ahalmen partekatuak komikiko protagonista. Erresuma galdu baten bila abiatu da bere lagunekin. Bidaia, ordea, ez da gorabeherarik gabekoa izango, eta arazoei aurre egin ahala, neskatoa jabetuko da oztopoei aurre egiteko modurik egokiena lankidetza dela. Bidaian ikasitakoek indarra emango diote Soltareni, baloreak erabat galdu dituen gortea errotik iraultzeko. Saure argitaletxeak publikatu du Pablo Zerda eta Jansainek jatorriz gaztelaniaz sortutako liburu ikusgarri hau –Karlos Zabala arduratu da itzulpen lanetaz–. Ñabarduraz betetako irudiz osatua, sepia kolorea da nagusi liburu ia guztian, istorioari halako ukitu malenkoniatsua emanez.