Emakumeak borrokan

Nola eragiten dio hotzak osasunari?

Jabier Agirre
2009ko abenduaren 20a
Aire hotzak eta berokuntza-sistemek lan egitera behartzen dute gure gorputza, etengabeko tenperatura-aldaketa horietara egokitzeko. Klimatologiak eragin handia dauka osasunean. Baita gu jaio aurretik ere. Mediku israeldarren talde batek egindako ikerketaren arabera, neguan jaiotzen diren haurtxoek udan jaiotakoek baino gutxiago pisatzen dute, oro har. Haurdunaldiaren azkeneko hilabeteetan D bitamina gutxiago xurgatzen delako gertatzen omen da hori. Izan ere, eguzki-izpien bidez sintetizatzen da D bitamina.
Urteko sasoi honetan normalak izaten diren tenperatura hotzek ondorengo eraginak ekartzen ditu gure gorputzarentzat:

Zirkulazioa erasan egiten da. Hotz egiten duenean, kapilarrak uzkurtu egiten dira, eta horrek koaguluak sortzea erraztu dezake. Frantzian egindako ikerketa batek iradokitzen duenez, sakoneko zainetako tronbosi eta biriketako enbolia kasuak gehitu egiten dira negu partean. Arrisku hori gutxitzeko sar itzazu eguneroko zure jan-neurrian janari bihotzerako osasungarriak: intxaurrak, oliba-olioa, fruta eta berdurak, arrain urdina…

Infekzioak izateko arrisku handiagoa. Batzuetan gure etxe eta lantokietako gelak ez dira behar bezala aireztatzen, berokuntza-sistemak eragindako giro beroa galtzeko beldurrez. Horrek germen pilaketa handiagoa ekar dezake. Eta horri hotzak berez dakarren defentsen jaitsiera gehitu behar zaio. Hori saihesteko har itzazu C bitamina asko duten elikagaiak (piperrak, zitrikoak…) eta aireztatu ongi etxeko gelak, egunean hamar minutuz.

Larruazal lehor eta gorritua. Tenperatura hotzek eta haizeak gure dermisa lehortzea eragiten dute, eta horrek azaleko gorritasuna eta laztasuna dakar. Azala da gorputzaren lehen babes-hesia, horregatik egoera onean edukitzeak infekzioak gutxituko ditu. Udan baino krema lodiagoak erabili, azala ondo hidratatzeko, hotzarekin kontaktuan dauden aldeetan batez ere: aurpegia eta eskuak. Eta edan ur ugari, barrutik ere behar bezala hidratatzeko.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
ASTEKARIA
Azkenak
EGILEA
Eguneraketa berriak daude