Abenduaren 4tik aurrera, Alberdania argitaletxeak 35 liburu elektroniko jarriko ditu salgai www.alberdania.net eta www.leer-e.es webguneetan. Horietako 22 Alberdaniaren funtsetik hartutako lanak dira (hamaika euskaraz eta beste hainbeste gaztelaniaz), eta gainontzekoak aurten argitaratu direnak edota argitaratzear daudenak. EPub eta Mobipocket formatutan salduko dituzte liburuak, eta zenbait kasutan PDF artxiboa ere eskainiko dute. Paperekoak baino %30 merkeago jarriko dituzte salgai.