ARGIA.eus

2020ko ekainaren 05a

Etxe eta ostatu

Jakoba Errekondo @bizibaratzea
2009ko azaroaren 29a
Hydnophytum generoko alea.
Hydnophytum generoko alea.
Myrmechis, Myrmecodendron, Myrmecoides, Myrmeconauclea, Myrmecophyla, Myrmecopteris, Myrmecosicyos, Myrmecostylum, Myrmedoma, Myrmedone... Txingurri adierazten duen myrme hitz grekoa erro, sustrai edo zain duen landare genero asko dago. Polena inguratu eta loreak ernaldu. Ernaltze horretatik sortutako fruituetako hazien zabalkundea kudeatu eta ernatzen lagundu. Landareen aldran, badute bai txingurriek zer egina. Aipatutakoak dira ohikoenak, baina urriagoak eta ezezagunagoak diren lan bitxi askoak ere hartzen dituzte elkarren altzoan landareek eta txingurriek.

Gure piratak dabiltzan urrutiko itsaso haietara begira dauden baso tropikaletan lanean ari den lagun batek eman dit txingurrien etxe diren landareen berri. Ni txingurri eta zur gelditu naiz. Adi: Myrmecodia, Hydnophytum, Myrmephytum, Lecanopteris, Anthorrhiza, Squamellaria... Behinik behin 36 familiatako 103 generotako landareak txingurri-etxe direla badakigu. Etxe izango diren aparteko organoak garatzen dituzte, zain edo enbor barruko ganbaratxo antzeko hutsuneak, gehienetan. Landareak berak sortuak ez ezik, txingurri apopiloak berak zulatutakoak izan daitezke. Etxean txingurriak izatearen onura nagusiak bi ditu landareak: babesa eta bazka.

Izerdia zurrupatzen dion zorria dela, gaitza kutsatuko dion onddoa dela, hostoak moztu eta lapurtuko dizkion beste txingurri generoren bat dela, landarea erasotzen duen edozein aurkari akabatuko dute. Kimuak moztuaz edo dena delakoa eginez, ostatu ematen dien landarearen inguruan ez dute besterik hazten utziko. Txingurriak, bizi den ganbaratxo horietako batzuetan kakak, mindak eta era guztietako hondakinak utziko ditu, landareak gogotik baliatuko dituenak...
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak

ASTEKARIA
2009ko azaroaren 29a
Azkenak
EGILEA
Argia buletina
Egunaren laburpena
zure e-postan
Eguneraketa berriak daude