Metalaren hil ala biziko irmotasuna

  • Kudai ::Shah mat

    Ortots burdin hotsak

    iraupena ::43´36´´

    prezioa ::13.95€

Gipuzkoar hauek gogor dabiltza autoekoiztutako hirugarren diskoa defendatzen; beraien ildoan. Xake matean egongo bagina bezala jokatzen dute, eta hil ala biziko jokoan, dagoenari zuku onena ateratzen diote. Urtzi baxu jotzaile berria ondo batu da taldera eta emaitza oso txukuna da. Eskola zaharreko thrash-metal eta metal indartsuaren koordenadetan gogor zapaltzen dute lurra; eta are gehiago, elektronika ukituak, industrialak edo epiko-melodikoagoak sartzen dituztenean ere, ez dute inola ere iparra galtzen. Hitzei dagokienez, esangura bereziko zita edo esamoldeekin borobildu dituzte eta hausnarketa egiteko aproposak dira; oso landuak. Atzean gelditu gabe, oinarriei gogor eutsita, aurrera eginez eta arriskatuta, emaitza borobila lor daitekeen seinale; batzuetan bortitzago eta beste batzuetan melodikoago.

www.myspace.com/kudaigara
Kudai
Ez dugu honetaz bizi nahi; idatzi eta jo nahi dugu

Aspaldi “irten zineten partituratik”? Zer baztertu behar izan duzue?


Gizartean partitura asko erabiltzen dira eta gustuko ez baditugu, bestelakoak ateratzen ditugu gauzak gure modura egiteko. Batez ere, “rockstar” izateko ametsa baztertu dugu. Ilusio horrek musikari asko bultzatzen ditu aurrekoen bidea jarraitzen –diskoetxe batekin kontratua, SGAEn sartu, managementak…– eta guk erabaki genuen hori gure bidea ez zela. Jadanik ez dugu honetaz bizi nahi, eta idatzi eta jo besterik ez dugu nahi.

Zer gehitu dio Urtzik taldeari?


Batez ere musika ulertzeko beste era bat. Bera oso heavy klasikozalea da eta horrek bestelako ukitua eman dio gure musikari. Horretaz aparte, ilusio handiarekin sartu zen, eta horri esker, baxua inoiz baino landuago dago. Urtziren lanarekin oso harro gaude.
Izan ere, nahiz eta thrash-metala zentzu zabal eta bortitzean landu, zenbait kantuk kutsu epiko nabaria daukate ahots eta melodietan.

Ados zaudete?


Bai, erabat ados. Disko honetan musika klasikoko tresna asko erabili dugu –koralak, biolinak, biolak, tronpetak, tubak…– eta horrek epikotasun puntu hori ematen du.

Metalero gogorrak, literaturazaleak eta xake pentsalariak. Metal mundu “izoztuari berotasuna ematen” saiatzen zarete?


Metal munduari baino, egiten dugun guztiari nolabait gure berotasuna ematen saiatzen gara, bai talde bezala, bai pertsonak bezala. Norberarentzat gordetzen badugu gure beroa, mundua izoztu egingo zaigu.

“Landu gabeko lurretan lan egiteaz harro”. Emaitzak jasotzeko unea da hau?


Emaitzak lehenengo egunetik jasotzen hasi ginen. Poz handienak bi motakoak dira: diskoa grabatutakoan eta kontzertuetan. Diskoa bukatu ostean, ordu eta une txar guztiak ahaztu egiten dira; eta egindakoa entzutea izugarria da. Eta edozein kontzertutan, norbait etorri eta gustatu zaiola esatea, nahikoa da guretzat.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude