Odol-berritzea

Aingira elektrikoak bere tximista zirriaz huasai palmondoa, Euterpe oleracea, zirikatu eta dardarizoaz fruta botarazten dio. Aingirak bapo jango du, baita digestio lasaia egin harriperen bateko habia gozoan. Gero kaketan hor bidaliko ditu frutaren barruko haziak, ibaiaren autopistan barrena batera eta bestera barreiatuko direnak. Haziok edozein urbazterretan amarralekua topatu eta bertara lotuko dira, ernatu, itsatsi eta palmondo berriak sortuz. Elkarlanean aritzen dira palmondoa eta aingira: ibai ertzeko mausar gozo oparoan palmondo berriak jaioko dira, luberriak kolonizatuz, espeziea zabalduz eta aingirak fruta erruz izango duen ibaia sustatzen du, bere ondorengoentzat bazka bermatuz. Hauxe da landare batzuek bere haziak hedatzeko darabilten bidea, zookoroa, animaliekin hartu-eman estuan.

Hartze eta emate honek dakarren sakabanaketak onura ugari dakarkio landareari. Espezieak lur sail berriak bereganatzeko aukerarena agerikoa da. Amaren gonapetik urruti jaiotako landare gazteek, argia eta elikagaiak bereratzeko, ez dute amarekin borrokatu beharrik izango. Ama bereko odolkideak beste ama batekoen aldamenean haziz truke genetikoa erraztuko da, eta etorriko diren ondorengo “nahasi” hauekin espeziea aberastu eta indartu. Truke genetikoa, odola nahastea, odol-berritzea garrantzitsua da, landareetan nahiz beste edozein bizidunetan. Espezie baten barrukoen arteko nahasketak, ezaugarri berriak izango dituzten banakoak ahalbidetuko ditu, bestelako bizi-baldintzetako toki edo garaietara igualeko egokituko direnak. Odola zenbat eta gehiago berritu eta nahasi, orduan eta kemen handiagoko ondorengoak sortuko dira eta espeziearen etorkizuna alde ederreko oparoa izango da.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude