Makurtzearen onurak

Fruitu arbolekin lanean ari den guztiak inausi, kimatu, murriztu, epaitu eta antzeko lanetara makurtu aurretik, badu ikasi beharreko lema bat, guda goiburu bat, egurra eta fruituaren arteko gudarena: egur asko ematen ari den arbolak ez du fruitu zipitzik emango; egurra eskas dakarrenak, aldiz, fruitutik latz ekarriko du. Egur, adar, kimu, altsuma eta hosto berri emanak sasoia, indarra adierazten du. Behar baino gehiago inausten den fruitu arbolak kendutako egur hori berreskuratzera joko du lehenik eta inausi, adar berria eman, inausi, adar berria eman, bide itsuan sartuko da; fruitua emateko behar den patxadatik urrun. Bide itsu horretatik ateratzeko, guraizeak herdoiltzen utzi eta makurtu adarrak. Beste adarrak hazten ari diren artean, makurtutakoetatik izerdia nekezago igaroko da eta fruituak ematera makurtuko dira. Adarrak makurtzeko sistema... bakoitzaren artea. Sagarrondo hauek Aginagako Mapilen bizi dira.

Azkenak
Hondarribiko Udalak aitortza egin die Asturiagako hondartzan hildako bi biktimei

Biktimen familiei barkamena eskatu diete ere azken 50 urte hauetan "behar besteko" babesa ez emateagatik. Poeta biktima gisa aitortu duten bezala, Moriko ere hala izatea eskatu du udalak, eta "epe laburrean".


Surf parkerik ez dute eraikiko Donostiako Antondegin, udal gobernuak atzera egin du

Donostiako Udalak El Diario Vascori filtratu dionez, ez dute olatu artifizialen surf parkerik eraikiko Martutene eta Txomiñenea auzoen artean dagoen Antondegi mendian. Albisteak sorpresa eta poza eragin du mugimendu ekologistan, izan ere, orain arte EAJ eta PSE-EE sendo... [+]


Netanyahu eta Hamasen buruzagitza atxilotzeko eskatu du Hagako Auzitegiak

Nazioarteko Zigor Auzitegiak eskatu du astelehen eguerdian Israelgo Lehen Ministro Benjamin Netanyahu eta bere Defentsa Ministro Yoav Gallant atxilotzeko, guda krimenak egotzita. Ondoko hiru palestinar hauen aurka ere gauza bera eskatu du: Hamaseko buruzagi Yahya Sinwar eta... [+]


2024-05-20 | ARGIA
"Geldi euskara zapaltzea" margoketagatik, pertsona bat auziperatuko dute

Herribiltza taldeak joan den ostiralerako egindako deialdian, Baionako suprefeturaren hormetan egin zuten tindaketa bost lagunek. Horien artean zegoen Gorka Torre; komisarian eduki du Poliziak 24 orduz, eta irailean epaituko dutela jakinarazi diote astelehen goizean.


Eguneraketa berriak daude