A. Gregorio Zubiaga idazleari elkarrizketa.
"Agora" Saria Dala-Ta...
A. Gregorio. Zubiaga'ri Galdera Batzuek
A. Gregorio Zubiaga, Gabiri' ko pasionista gazteari galdera batzuk egin dizkiogu.
–Berandu xamar konturatu nintzan "Agoran"ko euskal-nobela-sari ortaz, eta orobat zure garaipenaz. Zerbait esango al diguzu zer-nola ori izan zan?
–Noski berandu eta gutxi konturatu giñala. Gabon aldean, aren berri jaso genduanean. Propaganda oso urria egin baitzuten ainbeste sariren aipamenerako. Sari-zale gutxi bildu giñan; beraz, gutxiren kontra lortutako garaipena aitatu dezu.
Aurten sari bakarra eman die euskerari; datorren urtean iru izango ditualakoa entzun det: nobelak ezezen, bai poesi ta antzerkiak ere. Euskera saritzeko diru pranko egon bear du ortik nunbait. Gure industrialak-eta... Erne, beraz, lumazaleok.
–Noiztik zure euskal-elerti zaletasun, eta zeintzuk izan dira zure maixuak?
–Iru urte bakarrik dira euskal - literaturako asi-masietan atera nintzala. Gramatika ta musika-saioak lagatzen zizkidaten bitarteak, euskeraz bete ta ornitu bear nituala oartu zitzaidan; euskal-seme jatorra izatea aintzakotzak artzen banuan.
Euskal-liburu guztiak izan dira nere maixu, eta loretan erle izan ezpanaiz ere, aiekandik artu det ia daukadan guztia. Ez naiz garbi-zale, ezta mordollozalea; eta bakartadean bizi ezpanintza, errikoiagoa aterako zitzaidan ene euskera. Gañera beti geratuko zait zerbait nere txikitako bizkai-kutsutik. Euskera osatuaren omenez izango al da.
–Zergatik, uste dezu, beraz, sari-jabe atera zerala?
–Ez nere euskeragatik, beintzat. Ortan ba-ziran ni baño entzutetsuagoak... Bear bada, erabilli nuan gaia ta esate-modua gustatu zitzaien.
–Ortik aurreratu bear zeniguke pixka bat. Ze gai ta ze estilo diozu?
–Orduko periodikoetatik artutako gaia da: Talidomida, izen beltza. Apika, nere nobela kaxkar au ere aren babez izugarrian sorturiko aur ziztrin bat baizik ezta. Zer egingo zaio, ba, jaio dan ezkero... Aur-iltzalle ura zala-ta, beraz, Akelarre' tik zear-mear, iñun diran personejeeri dantza arazi diet... nexka zoragarri baten bizitzainguru; Aren muñeka-jolaz eztiak, aren udaberriko amets lilluragarriak eta, azkenez, benetako aurraren ama izateak erakarri zizkion atsekabeak...
Berrogeitamar kapitulotan banatutako, eun hat orrialde dira, guztira. Letzalle nagienak ere errex irakurriko ditu.
–Begi-begiko gaia egiten zait orixe. Ze izen ezarriko eta noiz argitaratu bear dezu?
-"Errosario puskatu" deituko diogu, aitabitxi berriren bat azaltzen ezpazaigu azkenetan. Gure nexkatxen euskera-zaletasunaren zimikoz egindako lana det berau. Irakurgai-zaleak badira ere, euskerarik eztute irakurten. Aien gogoko zerbait egingo ote nuan? Itxaropena Argitaldaria, kolore pixka bategaz-edo, saiatu dedilla aien begi txukun-zaleak ziztatzen.
–Bejondeiela! Beste ezer azaldu nai zendun. gure aldizkarian?
–Eskerrik beroenak "Agora" sari - antolatzelleeri, Diputazio esku-zabalari eta gure Euskaltzaindiko arduraduneri. Orixe bakarrik.
Azterkari
6
GaiezKulturaLiteraturaIdazleakUBIAGA1
GaiezKulturaLiteraturaSariakAgora
EgileezAZTERKARI1Kultura