Nik ezagutzen dudan gerri handiena ez da ez potzolo, ez lodi, ez gizen eta are gutxiago obeso batena. Haritz batena da, ez Haritz batena, haritz Quercus robur batena baizik. Basaburuko Jauntsaratsen bi haritz monumentu izendatu eta babestuak dituzte. Horietako batek, Euskal Herrian ezagutzen dudan gerri handiena du, sekulakoa, 10 metro pasatxoko gerri-buelta. Urrutira gabe dago bestea, gerria estuxeagoa, ia bederatzi metro, baina garaiera ikusgarria duena: 28 metro. Bostehunen bat urte ote dituzten diote...