Zuzendari austriarraren Das Weisse Band film berriak jaso du Donostiako Nazioarteko Zinemaldiko Fipresci sari nagusia. Horri esker, filma Zabaltegi-Perlak sailean jarriko dute aurtengo edizioan. Ez da Hanekek lan honengatik jaso duen sari bakarra: aurtengo Cannes-eko zinema jaialdian sari nagusia eskuratu zuen 1913an girotutako istorioak. Zuri beltzean grabatua, Alemaniako herri txiki bateko bizilagunak dira Hanekeren pelikulako protagonistak. Lehen Mundu Gerraren atarian, herrian istripu arraroak gertatzen hasiko dira, eta horien iturria bilatuko dute herritarrek.