Metala, rock pasarte ilunak eta atzera begiratzen duten hitzak

  • UNE ::Hegalik gabe hegan

    Baga Biga

    iraupena ::44´11´´

    prezioa ::12.50€

Hegalik gabe hegan
Hegalik gabe hegan
Aitor Uriarte oñatiarrak ez dio inoiz musika idazteari bizkarra eman. Latzenen garaietatik gerora heavy eta thrashetik aldenduta Sen talde melodiko bezain indartsua sortu zuen. Azken urteotan berriz, Une Nare Eza proiektuan buru-belarri dabil. Aspaldi luze honetan, gainera, metala oinarri izan arren, post-rocka edo tarteka post-hardcorea oso nabarmen ageri dira taldearen konposizioetan. Horrek emaitza ilunagoa ematen dio eta askotan malenkoniatsuagoa. Hala ere, ahots melodiek tarteka iraganeko hard-rocka gogora ekartzen digute: horren arrazoia izan liteke, disko hau prestatu bitartean Uriarte Latzenen itzulerako kontzertuekin ibili dela. Bestalde, hitzak poesiaz eta metaforaz jantzita daude eta iraganera begiratzen dute; atzean utzitakoari buruz mintzo dira disko honetako kanta asko.
Aitor Uriarte - UNE
"Niretzat ez da premiazkoa musika egitea, baina musika gabe ez dut nire bizitza ikusten"

“Bizitzak proban jartzen gaitu eta zalantzak izaten ditugu”. Musikan jaso baino gehiago eman behar izaten da, ezta?


Bai. Hala ere, Latzen, Sen eta UNE hasieratik ilusioz hartu ditut, beharrezko konpromisoarekin, hori barik ez baitago ezer egiterik. Gero aurkituko ditugu penak, sariak, lagunak, zalantzak...

Abesteko erregistroak zeharo aldatu eta zabaldu dituzu.


Musika honek kantatzeko askatasuna eman dit. Patroi mugatu gutxi daude eta melodiek protagonismo handiagoa dute. Erregistro ezberdinak probatzeko aproposa da gauza berriekin disfrutatzea.

Melodia epiko samarrak daude, hard-rockaren arrastoarekin…


Baliteke. Azkenaldian melodia txiki edo ilunak ere gustuko ditut, baina beti irteten zaizkit tarteka lelo “epiko”agoak, barrenean eramango dut.

“Oroimenik gabe hutsak omen gara”. Ados, baina oroimena ez da karga bat, gero egingo duguna baldintzatu dezakeena?


Beti aurrera egin behar da, baina bat-batean bizitako oroitzapen guztiak galduko ditudala pentsatzeak beldurtzen nau, ezinbestekoa da atzera begiratzea.

Eta diskoak badu zerbait nostalgikoa edo malenkoniatsua.


Kantu alaiak ere badira, baina doinuaren arabera giro tristeagoak edo sakonagoak irten zaizkigu gai ezberdinen bueltan.

“Oroitzapen putzuak zergaitien irla galdutan”. Poeta bihurtu zara. Gero eta erosoago idazten?


Itsas zabal haundietan hil kanpaiak eta Dabilen arima Gorka Lazkanok idatzi ditu, Latzeneko bateria-joleak. Ez dut esango poeta naizenik, baina kantu bat barrenera sartzen zaidanean barrenak gidatuta idaztea gogoko dut.

4010-era arte ikusten duzu zure burua musika egiten? Premia da musika egitea? Zer ematen dizu?


Batek daki, 4010 arte bizitzak emango ditu buelta batzuk... Ez, ez da premiazkoa musika egitea, bestela ere milaka artista hor dira, izan dira eta izango dira, baina musika gabe ez dut nire bizitza ikusten.

Azkenak
Ekofeminismoaz, motozerra eskutan

Duela hilabete inguru, unibertsitateko kide gizonezko baten liburu aurkezpenean ginela, egoera bitxi samarra gertatu zitzaigun. Ekologiari buruzko liburua zen eta erreferentzien artean hainbat pentsalari ekofeminista zeuden. Egileak, baina, inongo momentuan ez zuen aipatu... [+]


2024-06-17 | Jakoba Errekondo
Udaberria jan dezagun mikatzetik

Arabako Errioxako udaberriak ez dauzkat ahazteko. Urte dezentetan harrapatu ditut sasoi horretako loraldi betean hango mahastiak eta harrigarria da; laburra da paisaia berria, baina iraupen motz horretan begien sabaia erretzen du eta ordura artekoak ahantzarazten.


2024-06-17 | Nagore Zaldua
Itsas dortokak lozorrotik esnatu ote dira euskal kostaldean?

Udako solstizioa gerturatzen ari den honetan, euskal kostaldean itsas dortokak ikusteko aukerak ugaritu dira. Gure uretan ezagunena Egiazko kareta (Caretta caretta) da. Ale helduen oskolaren batezbesteko tamaina, 120 cm-ko luzera zuzenera eta 200 kg-ko pisura irits daiteke... [+]


2024-06-17 | Garazi Zabaleta
Lurbizi
Lurraren bankua sortzen, nekazaritzarako oinarrizko baliabidea bermatzekoa

Oiartzunen nekazaritza bultzatzeko eta elikadura burujabetzarako bidean pausoak emateko sortu zen Lurbizi egitasmoa, 2016 urte inguruan. “Herritar talde batek denbora zeraman herrian nekazaritzaren eta lehen sektorearen egoera kaxkarraz hausnartzen”, adierazi du Ibon... [+]


Eguneraketa berriak daude