Izenak
Euskal Herriko Gazte Orkestrak denboraldiko emanaldi nagusia Eskozian eskainiko du, abuztuaren 4an egingo den Aberdeen International Youth Festival jaialdian. Uztailaren 26tik 29ra bitartean, bestalde, Gasteizen, Bilbon, Sopelan eta Donostian ariko da. Juan Jose Oconen zuzendaritzapean bi obra prestatu dituzte: Aram Khachaturiam-en pianorako kontzertua eta Xerezade (Mila gau eta bat gehiago ipuin sortan inspiratua).
Quentin Tarantino zinemagilearen Inglorious Basterds (Sasikume madarikatuak) filmak zabalduko du Donostiako Zinemaldiko Bitxiak saila. Un prophèt (Jacques Audiard), No One Knows about Persian Cats (Bahman Gobadi), Taking Woodstock (Ang Lee), Whatever Works (Woody Allen) eta Precious (Lee Daniels) filmak ere proiektatuko dituzte, besteak beste.
Josu Waliñoren Hortza galdu du Jonek (Ander Hormazuriren marrazkiekin), Javier Cilleroren Aurrera, kakarraldo! (Dei Gaztelumendi) eta Francisco Navalesek sortu eta Alex Aldekoa-Otalorak itzulitako Suso Espada, Istanbul eta urrezko zalditxoak liburuak plazaratu ditu Aizkorri argitaletxeak.
