Salatari-malatari

Gaitzen eta izurriteen ekinaren gorabeheren berri izateko, landare mota ahulak edo berak direnak jartzen dira. Ilenak, Calendula officinalis, udaberriko baba handiak bezala, Vicia faba var. major, zorriak erakartzen ditu. Bost bat belaunaldi zorri hazten da urtero, lehen biak landare batean hartzen dute ostatu eta hirugarrenetik atzera hegoak garatu eta, sasoi beroeneko turisten gisa, apopilo hartuko dituzten beste landare batzuen bila zabaltzen dira. Aldameneko beste landareetara hedatu aurretik, lehen belaunaldiak hazi dituzten ilenetan edo babetan bertan akabatu ditzakegu.

Mahastien ipularretako mugetan arrosa-landareak maiz ikusiko dituzu. Ardoari aparteko buketa eransteko jartzen direla entzun izan badut ere, mahatsondoari kalte latzak eragiten dizkieten gaitzak bertaratu direla jakiteko dela iruditzen zait. Gorrinak, herdoilak, zurinak, zanbroak eta onddoek sortutako antzeko gaitzek ondo gustukoa dute arrosondoa (Rosa sp.) eta haren egoerak ederki adierazten du mahastiari zer datorkion. Gaitza denean zabaldua izango da baina sintomak lehenago ageriko dira arrosondoan. Behin aztarrenak aterata, mahatsondoak (Vitis vinifera) sendabidean jartzeko, aurrea hartzeko zein tratamendu eginez atzea nola dantzatu badakigu. Gaitzaren erasoa erdipurdikoa bada, bere zantzuak ere hala moduzkoak izango dira arrosondoan, eta mahastiaren atzea tratatu gabe dantzatzeko moduan gara, kategorian. Zenbait tokitan, mahastien aldean urri, sagastietan ere ikusi izan ditut arrosondo salatari-malatari hauek. Gaitzok, onddoak izaki, hezetasuna medio ugaltzen direnez, eta sagardotarako sagarrondoa (Malus x domestica) Euskal Herri hezean lantzen denez, sagastien jiran arrosondoak jartzea ez da burutazio makala.

Azkenak
Hondarribiko Udalak aitortza egin die Asturiagako hondartzan hildako bi biktimei

Biktimen familiei barkamena eskatu diete ere azken 50 urte hauetan "behar besteko" babesa ez emateagatik. Poeta biktima gisa aitortu duten bezala, Moriko ere hala izatea eskatu du udalak, eta "epe laburrean".


2024-05-21 | Gedar
Hamabi lagun ikertzen ari dira, Castejonen CAF-Trenasaren kontra egindako protesta bat dela-eta

Asteartean deklaratu beharko dute Tuteran, ikertu gisa. Palestinan eraikitzen ari den tranbia-sarearen bidez, CAF "entitate sionistaren kolonizazioan parte hartzen" ari dela ohartarazi dute.


Surf parkerik ez dute eraikiko Donostiako Antondegin, udal gobernuak atzera egin du

Donostiako Udalak El Diario Vascori filtratu dionez, ez dute olatu artifizialen surf parkerik eraikiko Martutene eta Txomiñenea auzoen artean dagoen Antondegi mendian. Albisteak sorpresa eta poza eragin du mugimendu ekologistan, izan ere, orain arte EAJ eta PSE-EE sendo... [+]


Eguneraketa berriak daude