ARGIA.eus

2020ko apirilaren 09a

Meditazioak garuna indartzen du

Joxerra Aizpurua Sarasola
2009ko ekainaren 28a
Muskuluak eta hezurrak indartzeko estrategia ugari dago, baina zer egin daiteke garuna indartzeko? Kaliforniako Unibertsitateko ikerlari talde baten arabera, meditazioa.

Ikerlariek 44 pertsona aztertu zituzten, bi taldetan banatuta, batean meditaziorik egiten ez dutenekin, eta bestea meditazio-tekniketan ohitutakoekin.

Hainbat erresonantzia magnetiko egin zitzaien parte hartzaileei, eta emaitzak oso garbiak izan ziren. Garunen tamaina antzekoa zen kasu guztietan, baina meditazioa egiten zutenek askoz ere garun aktiboagoak zituztela ikusi zuten.

Aktibotasun hori maila mikroskopikoan nola gauzatzen den, hau da, neuronen mailako konexioak nolakoak diren, ez da ezagutzen oraindik, baina hori etorkizuneko ikerketek argituko dute.
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak
ASTEKARIA
Azkenak
EGILEA
Argia buletina
Egunaren laburpena
zure e-postan
Eguneraketa berriak daude