Pastu, hustu eta parti!
- Lingerie basqueko mantel hori-urdinaren gainean baso bat hustuta, ardo arrastoa ipurdian. Eta azpian papertxo bat: Segidan helduko naiz. Koadro beteko ohol ilunaren gainean basoa berriro ere, berdin, erabilita, ardo arrastoa soilik barrenean: Pastu, hustu eta parti!, horixe Kepa Arizmendi Bereauk margolanari jarri zion izena. Pastu eta parti, etxe askotatik pasa denaren presaz, toki finkorik gabe. Hustutako edalontzia diosalaren seinale. Presentzia-ausentzia jokoa. Eta metafora, bizitza, baso bat ardo bezala, hustutzearena. “Hori da testamentua bezala”.
Pasilloaren barrenean pintatzen aritzeko txokoa. “Ana Mariren pinturak!” tuboa estutu eta paletara zorroztada ateratzean. Ana Mari Marin, Baztango margolariak bidaliak. Astoaren gainean zeukan koadroari pintzelada batzuk eman eta gero: “Ez al duzu txori bat ikusten?”. Izan ere, abstrakzioan, Husguneak pintatzen ari zela, figurak ateratzen zitzaizkion ezarian-ezarian: egurrezko zaldi kulunkari bat, emakumea biluzik etzanda, mandarinak...
Duela hiru urte Baztanen egindako erakusketaren katalogoari heldu diogu bere ibilbidea errepasatzeko. Parisko koadroak: Bois de Boulogne, Montmartre, Champs-Elysées, Carrefour... Bidegurutzean leihoak, asko, denak berdin-berdinak formaz, soilik koloreek ezberdintzen dituztela: “Leiho horien atzean egonen da norbait begira? Edo hutsik izanen dira apartamentuak?”. Hiri handiak sortutako jakinmina, ikusmina.
“To, Donibane Lohizune gauez”, behin, birritan eta hirutan ere pintatua, zeruak eta itsasoak bat egiten duten ostertzean, soilik argi ilada bat, dir-dir eginez. “Beti gauza bera egiten dut, bat pintatu eta gero saiatzen naiz berriro...”.
Sorpresaz harrapatu du Arkupeaken erreprodukzioak. “Elizondoko arkupeak. Hor badira bi ostatu”. Han, barrenean, norbait arkupea zeharkatzen. Honantzago bi lagun ageri dira solasean. Agian besarkada elkarri eman berri? “Parisen pintatua, nostalgiaz edo...”. Herrimina dario arkupeen aurrean. Hogei urte Baztandik alde egin zuela. Interneten mugalari gisa ageri da bere izena. Izana, mugatarra aitortzen du. Joxe Mari Apezetxeak, maisu izan zuen Erratzuko margolariak, esaten omen zion: “Ad limitum” ibiltzen zela beti, “eta bai, pinturan eta bestela ere bai” dio, irribarrea bihurri. Baina ez gara horretaz sobera mintzatuko, bai ordea mendiko zeharkaldiez –gogoko ditu oso–, eta luzaroan zain egon beharraz, eta orduan nola oihanak meditaziorako aukera eman izan dion.
Pintatzeko txokoan, hormaren kontra bermatuta, koadro luze bat: gizon baten erretratoa, egonean, begiak itxita, hankapean ardo botila, basoa, mandarinak...
– Buruan kontrabandistak edo gaueko lana-edo egiten dutenak nituen. Hortxe pausatu da, zuhaitzaren babesean, erdi lo dago, ametsetan...
– Nekatuta dago.
– Pakean dago.
Pastu, hustu eta parti. Ekainaren 8an partitu zen Kepa Arizmendi Baionatik, Baztanen basoerdi bat hartzeko zoririk izan gabe.
Wallball txapelketa abuztuaren 27tik 30era jokatuko dute. Euskal Herritik aparte Argentina, Belgika, Erresuma Batua, Valentzia, Herbehereak eta Puerto Rico herrialdeek hartuko dute parte.
"Gehiengoa lortzen badugu, gobernua berretsiko dute; bestela, erori egingo da", adierazi du Frantziako lehen ministroak. LFI Frantzia Intsumisoak, Frantziako Alderdi Komunistak, ekologistek, Alderdi Sozialistak eta RN Batasun Nazionalak, ordea, dagoeneko jakinarazi dute... [+]
Fitxa: Musika Hamabostaldia. Kursaal Zikloa. Espainiako Orkestra Nazionala.
Zuzendaria: David Afkham.
Egitaraua: Wagnerren ‘Der Ring ohne Worte’ (Lorin Maazelen moldaketa). Lekua: Kursaal Auditorioa.
Data: abuztuaren 22a.
---------------------------
Oraingo... [+]
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
639 'minipisu' ari dira eraikitzen Barakaldon, BEC erakustazokaren aldamenean. Udal ordenantzak aginduta, hotel erabilera eman behar zaio espazio horri, baina "alokairu malgua" dela dio Be Casa-k. Egun batzuetako alokairuetatik hasi eta "hilabete batzuetarako... [+]
Candela emakumeen elkarteak eta PSNk eskatu dute argazkia kentzea eta udalak argitaratutako materialetan kontrol handiagoa egotea, ez egoteko estereotipo sexistarik.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
IFOP institutuak eginiko ikerketa ezaguratarazi du Eskualde eta Herri Solidarioen Federazioak Korsikan, eta ondorioztatu dute Frantziako Estatuan biztanleen erdiak nahiko lukeela bere eskualdeak autonomia handiagoa izatea.
Bost sexologoren formazioa jasoko dute Nafarroako hamabi ikastetxetako irakasleek: sexualitatea ikasleekin lantzeko edukiak eta proposamen pedagogikoak eskainiko dizkiete. Skolae programaren segida izango da, nolabait.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Logikoena zen, uztailaren 26ko lehen zaplazteko argiaren ondoren. Baina abuztuaren 23ko bigarrenak ihesbide politiko ia guztiak itxi dizkio Lairen gobernu taiwandarrari. “Gogorarazpen bozketan” beren hautetsi-tasuna gal zezaketen oposizioko Kuomintageko zazpi... [+]
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
Euskarak urte luzeetan ezaguturiko zapalkuntzaren ondorio larriak, frankismoaren errepresio itogarriak, baita gure hizkuntzarekiko erakutsi zuen jarrera erasokorrak ere, piztu zituzten herri honen euskaldungoaren kontzientzia eta oldarra. Eguneroko esperientziaren egoera larriak... [+]
Jeffrey Kruse buru zen Defentsa Departamentuko inteligentzia zerbitzuek eginiko txosten baten arabera, AEBek Irango gune nuklearrei eginiko erasoek ez zuten Teheranen gaitasun nuklearra "guztiz suntsitu", bizpahiru hilabetez atzeratu baizik. Trumpek, ordea, adierazi zuen... [+]
473 plaza eskaini dituzte eta 84 ez dira bete. Lehen Hezkuntzan, aldiz, ia lanpostu guztiak bete dira.