Mamacrea konpainiak Lonbo aretoan eskainiko duen ¿Se puede? ikuskizunak irekiko du Arrigorriagako (Bizkaia) Clown eta Pailazoen Nazioarteko Jaialdia, hilaren 7an. Kiroldegian izango dira beste emanaldi batzuk, eta herriko kaleak ere clown, pailazo, malabarista, trapezista eta gainerako artisten abilidadeen lekuko bihurtuko dira. Kaleko egitaraua Sara Alvarez gasteiztarraren eta Diego Bruzzone argentinarraren Circocirto konpainiak (argazkian) irekiko du, hilaren 8an. Jaialdia 10era arte luzatuko da, eta Bizkaiko beste herri batzuk ere bisitatuko ditu, tartean Sondika, Bermeo, Markina-Xemein eta Derio.