Komunikazio Garapena Neurtzeko Zerrendak balio du hizkuntza-jabekuntza goiztiarra aztertzeko. Horretarako, komunikazioaren inguruko hainbat aspektu hartzen ditu kontuan: ulermen eta ekoizpen lexikoa, ekintza eta keinuen bidezko komunikazioa, morfologia, gramatika... AEBetako MacArthur fundazioak sortutako tresna hau, ingeles hizkuntzarentzako pentsatu zen hasieran; denborarekin ordea, hainbat hizkuntzatara moldatu da tresna bera. Orain euskararentzat egokitu dute, urte askotako ikerketaren eta lanaren ondoren. Horretarako, besteak beste, oso kontuan izan dira euskalki diferenteak, hartara Euskal Herri osoan erabilgarri izan dadin.